Liquica – Governu Timor Leste liu husi Sekretariu Estadu Juventude Desportu (SEJD) ho Konfederasaun Desportu Timor-Leste (CDTL sigla portuges) no Comite Olimpico Nacional Timor-Leste (CONTL) kongratula Federasaun Taekwondo Timor-Leste (FTTL) tanba realiza kompetisaun embaixador Korea Cup hodi promove talentu no mentalidade atleta Timoroan sira prepara ba eventu internasional sira iha futuru.
Sekretáriu Estadu Joventude no Desportu Abrao Saldanha kongratula Federasaun Taikondow Timor Leste (FTTL) ba realizasaun Embaixador Korea Cup 2022 ne’e hafaoin partisipa iha Embaixador Cup ne’ebé mak hala’o iha Centru Treinamentu Tibar Liquica sabadu (02/04)
“Ohin governu kongratula FTTL ne’ebe selebra tan dala ida kompetisaun embaixador CUP ba tinan ida ne’e” dehan Abrão Saldanha liu husi nia diskursu iha fatin treinamentu Tibar sabadu (02/04).
Abrao sublina, modalidade Taekwondo la’o tuir nia misaun no mehi ne’ebe uluk kedas lori Taekwondo mai husi Korea ne’ebe Taikondow sai hanesan ezemplar ba federasaun sira seluk ne’ebe hatudu katak bainhira tebe no tuku malu iha iha rin leten ka arena laran ida ne’e hanaran lolos arte marsial la’ós hafuhu malu iha estrada ninin.
Membru Governu ne’e esplika, governu nia komitmentu sei la husik federasaun la’ós mesak ne’ebe governu sei hamutuk ho federasaun atu dezenvolve modalidade Taekwondo iha Timor-Leste ne’ebe tinan ida ne’e governu hakarak FTTL tenki halo expansaun Taekwondo iha teritoriu Timor-Leste laran tomak. Labele kada tinan Dili mak partisipa ho numeru boot hela deit
Iha fatin hanesan Prezidente CDTL Macario F. Sanches mós kongratula FFTL no embaixador Korea tanba eventu ne’e hanesan investimentu lori Atleta Timoroan ba kompete iha ne’ebe iha eventu ne’e nia indentifika esperansa no espiritu jogu husi atleta sira no federasaun Taekwondo sai hanesan ezemplar ba federasaun sira hotu iha Timor-Leste.
“Ohin iha eventu ne’e hau atleta sira buat rua indentifika husi sira matan esperansa no espiritu jogu lori CDTL hakarak kongratula no FTTL no Embaixador Korea tanba eventu hanesan investimentu ida oinsa atu lori atleta Timor oan kompete iha nível as ne’ebe federasaun Taekwondo sai hanesan ezemplar ba modalidade hotu iha Timor-Leste“
Macario husu FTTL atu nune’e investimentu ne’ebe governu Korea investe ona ba federasaun Taekwondo ne’ebe tenke halo para federasaun ne’e labele monu iha Timor-Leste, dezevolvimentu laos konfederasaun no governu nian deit maibe tenke ema hotu nian inklui ba ajensia internasional ne’ebe prontu atu kontribuisaun ba dezenvolvimentu desportu nian.
Macario Salienta, Timor-Leste iha eventu internasional ne’ebe kongratula mos governu tanba konfederasaun sei hamutuk ho governu inan aman sira no asosiasaun sira husi federasaun sira lori atleta Timor-Leste ba prestasaun iha eventu internasional.
Iha Sorin Seluk Vise-Prezidente CONTL Mateus da Cruz dehan, hato’o protidaun ho orgullu ba FFTL tanba eventu embaixador Cup sai eventu ida ba modalidade Taekwondo hodi preprara dezenvolve atleta otas nurak ba futuru.
“Ohin hau hato’o protidaun no orgullu boot ba FFTL bele prepara atleta liu husi eventu agora ne’ebe sai fini ne’ebe diak federasaun kuda hela tanba eventu embaixador Korea Cup sai eventu ida ba modalidade Taekwondo hodi dezenvolve atleta sira tanba atleta otas nurak ne’ebe federasaun agora prepara hela ne’e importante tebes no louva ba embaixador Korea Sul ne’ebe bele fo tempu no organiza eventu ne’e no hein parte governu mos sei halo eventu nasional sira para preprara atleta sira ba futuru” Mateus dehan.
ADS
