DILI – Governu liu husi Sekretáriu Estadu Juventude no Desportu (SEJD) hato’o Parábens ba Atleta Felisberto de Deus husi Modalidade Atletizmu susesu rekolla medala dahuluk ba Timor-Leste iha jogu Sudeste Aziatiku (Sea Games) ba dala XXXI ne’ebé mak hala’o iha Hanoi Vietnam.
Medaila osan mutin ne’ebé mak atleta Felisberto de Deus hetan ne’e, hafoin okupa segunda Lugar iha maratona Sea Games Hanoi, Vietnam, ho 5000 metro, iha loron Domingu (15/05).
Medaila osan mutin ne’e mós sai medaila dahuluk ba Timor-Leste iha jogu Sudeste Aziatiku (Sea Games) ba dala 31.
“Uluk nanain ita hotu lori governu nia naran hakarak hato’o ami nia parábens ba Felisberto e Deus ne’ebé mak konsege rezistu Primeira medaila osan mutin ida ba Timor Leste. Ita hein katak Modalidade sira seluk ne’ebé mak sei joga ikus mai bele hetan tan medaila ruma ” Dehan sekretáriu estadu joventude no Desportu SEJD Abrao Saldanha ba jornalista sira iha edifisiu SEJD ho Dili (16/05).
SEJD Abrao enkoraja, atleta sira ne’ebé seidauk kompete hodi núne’e Atleta sira bele iha nafatin espiritu kompetetivu núne’e bele hetan rezultadu di’ak tanba ne’e mak deseju estadu Timor-Leste nian ba selesoes nasionais ne’ebé mak iha hela rai li’ur.
Membru Governu ne’e hatete, Atleta sira ne’ebé hatudu prestasaun ne’e iha hela sira fila fali mai Timor Leste governu perpara oinsá mak bele iha rekonsementu ba atleta Felisberto de Deus nia prestasaun
Antes ne’e Felisberto de Deus hamutuk Atleta sira seluk hamautuk 38 mak halo despedida ho ho Primeiru Ministru Taur Matan Ruak Molok desloka ba Sea Games Hanoi Vietnam iha loron (05/05
Enkuantu tinan ne’e Timor-Leste partispa iha jogu Sudeste Aziatiku (Sea Games) iha Hanoi Vietnam ho Modalidade 7 mak hanesan, Atletismu, Karate-do, Taikondow, Natasaun, Boxe, powerlifting, no Futebool.
Enteretantu tinan ne’e Timor Leste iha atleta individual hamutuk 19 mak partisipa iha Sea Games atleta no individual hirak ne’e mai husi Taikondow 6, Karate-do 2, Atletismu 4, Boxing, 3, Natasaun 2, no hit besi 1.
DVO
