DILI – Prezidente Klubu Futebool Salaun Mauputar FC, Antoninho Junior Guterres Ximenes, hatete, Prezensa Jogador Eufrjiu Amaral no Ruben Faria iha klubu Sadakata FC Indonézia sei fó oportunidade ba jogador sira seluk iha Timor atu bele ba tan joga iha rai li’ur.
Eufrjiu Amaral ho Ruben Faria Reforsa ekipa Nasionál Timor Leste hafoin Timor Leste partispa iha AFF Futsal Championsip iha Thailand.
Sadakata FC klubu primeira divizaun husi Liga Futsal Profesional Indonézia klubu refere interesadu ho jogador na’in rua ne’e, tanba hatudu prestasaun hodi hatudu tékniku atraktivu iha AFF Futsal Championsip iha Thailand.
Ho skill no talentu ne’ebé Timor oan na’in rua ne’e iha, hafaoin ekipa selesaun nasionál fila husi Thailand mai Timor Leste klubu Sadakata FC haruka kedas pedidu direita ba FFTL no AFTL.
Eufrajiu Amaral no Ruben Faria, jogador Futsal Primeiru ne’ebé mak ba halo trial iha klubu Primeiru Divizaun husu Indonézia nian, tanba prezidente klubu Mauputar Fc, Antoninho Junior Guterres Ximenes, iha Esperansa boot ba jogador na’in rua ne’e bele liu iha trial ne’e nune’e bele loke oportunidade ba jogador sira seluk
“Karik sira mak liu iha trial sei loke oportunidade ba jogador sira seluk iha Timor ba Rai Li’ur la’ós de’it Indonézia” dehan Antoninho ba JHD iha nia rezidensia surikmas Dili tersa, (17/05).

Maske Mauputar Fc sente lakon tanba jogador prinsipál na’in 2 ne’e ba joga iha Sadakata FC, maibé klubu ho fuan boot hakarak Futsal Timor Leste nia di’ak Mauputar tenke husik nia jogador ba trial mak pasa iha trial husik sira joga iha ne’ebá no la pasa mós sira sei fila ho esperiénsia no matéria foun no enerjia foun mai Timor Leste.
“Ami tenke fó ami nia jogador para jogador sira mós bele hetan esperiénsia husi sira, no mós bele loke dalan ba jogador Futsal sira hotu bele mós ba joga iha rai li’ur” tenik nia
Tanba perparasaun klubu iha Indonézia ne’ebé perpara ho fasilidade ne’ebé mak kompletu liu kompara ho ita nia iha Timor nian ne’ebé mak Liga atu hahú mak foun treinu
Enteretantu, Eufrajiu Amaral no Ruben Faria aranka ona ba iha Sadakata FC iha loron 06 Maiu 2022 no hahú ona halo trial ho klubu Sadakata FC, iha loron hirak liu ba no tuir informasaun iha loron 23 Maiu klubu refere sei anunsiu jogador ne’ebé mak liu iha trial.
Maske nune’e jogador Eufrjiu Amaral no Ruben Faria ba hanesan Long Player ka empresta, tanba ne’e karik sira joga ona iha klubu Sadakata maibé sira fila mai sei sira mós sei nafatin joga iha Mauputar Fc.
DVO