DILI — Klubu Primeira Divizaun Liga Futsal Timor-Leste, Mauputar Fc, deside ba hala’o jogu tryout iha Kupang, Nusa Tengara Timur (NTT), Indonézia, atu buka esperensia no tatiku molok kompete iha Liga Futsal Timor-Leste Époka 2022-2023.
Kestaun ne’e hato’o husi prezidente klubu Mauputar Fc, Antoninho Junior Guterres Ximenes, ba JHD iha nia rezidensia surikmas Dili tersa (17/05).
“Tanba atu hasoru Liga treinu ona fulan rua nia laran Liga ne’e tanba ami hakarak atu koko ami nia jogador sira nia tátika no buka esperensia dalan mak ba Tryout molok tama ba Liga Futsal Divizaun Primeiru 2022-2023 nian” katak Antoninho
Maske Mauputar Fc husik ona jogador na’in rua ba Sadakata FC maibé klubu refere mantein halo perpasaun no sira prontu atu kompete iha Liga Futsal Timor-Leste Époka 2022
“Mauputar perparadu ona, karik Eufrajiu Amaral ho Ruben Faria liu iha trial, Mauputar nafatin perparadu hela hodi kompete Liga Futsal Primeira Divizaun epoka 2022” dehan Antoninho.
Antoninho haktuir, Mauputar halo ona perparasaun durante fulan rua liu ona tanba ne’e Mauputar perparadu tebes ba Liga no durante ne’e Mauputar nia joga de’it iha rai laran, tanba ne’e klubu deside hodi ba joga iha rai li’ur hodi núne’e bele kadi jogador sira nia mentalidade oinsá atu joga iha li’ur hodi núne’e jogador sira bele iha esperiénsia joga iha li’ur.
Tuir orariu Mauputar Fc, sei halo tryout ho klubu Washeng Futsal, sabadu 21 Maiu no sei hasoru HMN Rizky iha Domingu 22 Maio jogu refere sei hala’o iha lapangan GOR Futsal Oepoi-Kupang Nusa Tengara Timur (NTT).
DVO
