DILI- Prezidente Federasaun Futebol Timor-Leste (FFTL), Fransisco Jerónimo, sei halo enkotru ho membru ezekutivu sira molok hasoru malu ho orgaun Liga Futebol Timor-Leste (LFTL), hodi ko’alia kona-ba Liga Timorense epoka 2022.
“hau sei enkontru ho hau nia membru ezekutivu sira hafoin hasoru malu ho orgaun LFTL atu koalia preparasaun ba orsamentu ba Liga Timorense epoka 2022 ne’ebe ita sei hala’o iha fulan Agostu ne’ebe kompetensia tomak ba lalaok Liga Timorense epoka 2022 sira mak iha kompetensia ba ida ne’e“, Prezidente FFTL Francisco Jerónimo ba jornalista sira iha nia knaar fatin Bairro Formosa, Díli tersa (21/06).
Prezidente hatutan, antes ne’e orgaun liga manda ona karta atu hasoru malu maibe iha momentu ne’ebá okupadu hela maibe iha tempu badak sira sei hasoru malu tanba Liga Timorense epoka ne’e sei hahu iha fulan Agostu hodi koalia preparasaun liga nian tanba tinan ida ne’e SEJD hatun orsamentu ho montante 200.000 USD diferente ho tinan kotuk ho montante 300.000 USD ba federasaun atu realiza Liga Timorense maibe federesaun sente la iha difikuldade sira kaer metin sira nia knaar nafatin.
Entretantu diretor relasaun publika LFTL Diogo N.Fraga hatete, sira agradese tebes tempu badak federasaun atu hasoru malu ho sira kolia kona preparasaun Liga Timorense epoka ne’e tanba klube sira hein hela ida ne’e.
“Ami agradese tebes ba federasaun tanba expetativa ne’e mak oras ne’e orgaun liga no ita nia klube sira mos hein hela para depois hasoru malu bele pronusia buat ruma ba publiku ne’ebe relasaun preparasaun Liga Timorense epoka 2022 tanba durante ne’e orgaun liga preparadu hela“, tenik Diogo.
Nia hatutan, Infelizmente sira seidauk hetan informasaun husi federasaun atu hasoru malu iha tempu badak tanba antes ne’e orgaun liga atu hasoru malu ne’e kanseladu ne’ebe preparasaun ne’ebe orgaun liga halo iha tempu ne’eba mak sira sei lori nafatin hodi hasoru malu ho federasaun.
Nia informa, iha tinan ida ne’e formatu liga nian muda tuir AFC no FIFA ne’ebe liga prontu tuir ida ho kompetensia orgaun liga nian ne’ebe kalenderiu jogu mos tenke muda hahu iha fulan agostu no remata iha fulan marsu ka abril tinan oin
ADS
