DILI– Federasaun Futeból Timor-Leste (FFTL), kansela viajen selesaun nasionál Timor-Leste sub-16. Iha jogu kualifiksaun AFC U17, iha Bahrain 2023, tanba billete karun liu no FFTL la iha osan hodi sosa billete ba jogador sira.
Eventu ne’e rasik dada ona Sorteu iha ne’ebé Timor-Leste iha grupu (H) hamutuk ho nasaun 3 seluk hanesan Tajikistan, Afghanistan, Mongolia no Timor-Leste rasik.
Ho núne’e selaun Nasional Timor-Leste U17 hala’o ona perparasaun masimu hodi reprezenta Timor-Leste iha jogu AFC U17 ne’e maibé infelismente FFTL kansela tiha sira nia viajen ho rajaun tanba billete mak karun liu.
Relasiona ho FFTL ne’ebé mak kansela viajen selesaun nasional U-16 ne’e inan aman hosi jogador sira ohin loraik mais ou menus tuku 16: 10 OTL, nadodon ba FFTL hodi husu FFTL hodi halo klarifikasaun.
Hafoin hasoru malu Prezidenti FFTL Francisco Jerónimo, reprezentante inan-aman, Luis J. Ximenes Oliveira, sente Triste tanba FFTL kansela jogador sira nia viajen ho rajaun tanba bileti karun.
“Inan aman tirste hodi núne’e mak ami mai Federsaun tanba ami la kontente tanba saida mak falta de’it 24 oras atu aranka ba mak foin fó hatene ba ami nia oan sira la konsege aranka ho rajaun tanba tiket mak la loos tiket karun liu” afirma reprezentante inan-aman ne’e Luis J. Ximenes de Oliveira, iha FFTL Formoza Dili, kuarta, (28/09).
Nia mós husu ba FFTL atu núne’e situasaun ne’e labele akontese tan iha futuru billete Labele sai rajaun hodi impede viajen jogador sira nian.
Núne’e mós Sekretariu jerál FFTL, Gregorio Correia, fó rajaun katak billete mak karun duni Kondisaun osan mak la iha.
“Karik inan aman balu ladún simu realidade maibé ne’e mak Federasaun, nasaun ne’ebé ita la bá ita liu hosi sira mós ita bileti la iha i billete ne’e karun tebes“informa Sekretariu jerál FFTL Gregorio Correia.
“Sim Kondisaun Memang la iha duni tanba antes ne’e ita kontaktu duni nasaun ne’ebé ita atu ba maibé sira mós la prontu atu ajuda ita rajaun buat sira ne’e ami perpara karta ba AFC para kansela” nia afirma.
Nia haktuir, AFC resposta ona katak la iha buat ida no jogu tuir mai sei iha no AFC husu FFTL atu perpara aan para bele tuir iha eventu tuir mai.
Ho kanselamentu ne’e Sekretariu jerál FFTL, hatete, La fó impaktu ba Federsaun Futeból Timor-Leste.
CharllY Junior
