DILI — Kapitaun klubu Because United Marcos Guterres, optimista sei manan Gamer Fc iha jogu 8 finais Taca AFAMA no Femenina F-FDTL 2022.
Aban sexta (21/10) Taca AFAMA no Femenina F-FDTL 2022, hahu tama ona ba faze eliminasaun 8 finais iha ne’ebe klubu zigante rua hosi Primera divizaun Liga futsal Timor Leste nian Because United sei hasoru Gamer Fc.
Maske ekipa Because United hakat ba faze eliminasaun 8 finais Taca AFAMA no Femenina F-FDTL 2022 ne’e ho estatutu nudar runner-up hosi pool (B) ho pontus 6 hosi jogu 3 manan rua no derota ida maibe ho fiar aan sei halakon Gamer Fc.
Enkuantu ekipa Gamer Fc hakat ain ba faze eliminasaun 8 finais ne’e ho estatutu nuudar kampeaun grupu (A) ho pontus 5 hosi jogu 3 manan ida no empata rua.
Iha entervista ho Kapitaun klubu Because united, Marcos Guterres, sira iha perparasaun diak no Prontu hasoru Gamer Fc 8 finais
“Ami nia klubu Becussi united nia preparasaun diak i ami prontu hasoru Gamer Fc ih 16 besar ami mos sei esforsu aan para bele hakat ba 8 basar mais ne’e la fasil tanba Gamer Fc mos klubu ida ne’ebe hosi primeiru devisaun sira klubu diak mais ami koko taktika ne’ebe ami iha hetan iha treinu lor-loron mais buat hotu 40 minitus mak sei determina” dehan Marcos Guterres, ba JHD via whatsApp Kuarta (19/10).
Kapitaun ne’e mos fo predisaun katak sira nia ekipa sei manan Gamer Fc maibe mos la fasil tanba 40 minitus mak sei determina.
“Ami fiar ami nia aan ami sei manan ho score 2 -1 ou bele 3-1, mais ne lafasil buat hotu 40 minitus mak ita hre mais ami fiar ami an hodi manan gamer Fc ih fase bota fora hodi Ami ble hakat ba 8 finais” Marcos hatete ho fiar aan hodi fo predisaun.
Husi sorin seluk Treinador Gamer Fc, David dos Santos Soares, sira nafatin halo preparasaun ne’ebe diak atu hasoru ekipa Becusse United.
“Ami nafatin halo preparasaun ne’ebe diak atu hasoru ekipa Becusse united husi parte Fisiku, Tekniku no liu liu ami sei prepara Mentalidade jogadores sira tanba ekipa ne’ebe atu hasoru ne’e Ekipa neebe boot no iha mentalidade jogu ne’ebe diak tebes” dehan David.
“Maske nune’e Ami sei Esforsu an too minutu ikus no iha Esperansa atu manan iha jogu refere” Nia komenta.
“Ami laiha stratejia atu prepara ba ekipa zigante hanesan Becusse United so 20 x 2 minutu mak determina se mak manan no lakon. Ami sei esforsu an too minutu ikus hanesan jogu sira ne’ebe hala’o ona iha faze grupu nian” Nia hatete.
“Ami garante manan wainhira konsistente nafatin hanesan ho jogu iha Faze grupo sai campeao grupu” Nia hakotu.
CharllY Junior
