DILI — Torneo Taca AFAMA no femenina F-FDTL 2022, tama ona ba faze meias finais iha ne’ebe ekipa femenina Estrela Baguia sei hasoru ekipa femenina Maudoko Fc.
Jogu entre ekipa rua ne’e sei hala’o iha kampu futsal F-FDTL fatuhada Dili sexta (28/10).
Tuir Prezidente klubu Estrela Baguia Helio Francisco Amaral katak, jogador femenina Estrela Baguia preparadu ona atu joga hasoru Maudoko Fc iha jogu meias finais.
Helio akresenta, EB garante sei manan iha jogu meias finais aban, maske ne’e premeira vez ekipa EB feminina partisipa iha kompetisaun Futsal feminina nian, maibe ne’e sei la hamihis sira nia fiar aan atu hasoru Maudoko Fc.
“Ami iha strategia diak hodi prepara ba aban atu hapara movimentu jogador estratejeru Maudoko Fc nian, aumesmu tempu strategia ne’e ami uja mos hanesan tarjetu sekredu ida hodi uja hamate Maudoko Fc nia movimentu nune’e ami bele manan sira hodi hakat ba Semi Final” tenik Prezidente klubu Estrela Baguia Helio Francisco Amaral ba JHD via WhatsApp, kinta, (27/10).
Nia afirma, Estrela Baguia sei la pesimista e Estrela Baguia nafatin fiar an sei hapara Maudoko Fc iha jogu aban no garantia sei luta makas atu nune’e bele hadau billete ba final husi Maudoko Fc nia liman.
“Ami garante katak ami sei esforsu makas bele manan Maudoko Fc, maske ekipa Maudoko Fc ekipa nebe’e mais esperensia iha jogu Futsal no sira hetan apoiu forsa husi jogador estratejeru nain 4 nebe’e antes ne’e joga ona iha liga professional Indonesia nian mak Maudoko Fc bolu hodi haforsa sira iha jogu Futsal AFAMA no femenina F-FDTL” tenik Nia.
“Estrela Baguia avansa ho jogador lokal deit maibe garante nia kualidade hanesan mos ho jogador estrangeiru, tamba ne’e sira fiar aan e la hakfodak no EB optimista sei manan Maudoko Fc” Nia hakotu.
Hosi Sorin seluk Treinador klubu Maudoko Fc, Taquino Soares rekonese katak, ekipa femenina Estrela Baguia tun ho jogador esperensia barak hosi ekipa selesaun Nasional Futebol tanba ne’e sira sei mantein ho sira nia jogu ne’ebe mak sira Liu ona.
“Ami hatene EB mai ho jogador ho esperienca barak e sira mos husi ekipa nasional onze nian estrategia ne’ebe ami uja mak nafatin hanesan jogu hira ne’ebe ami pasa ona ho pontu tolu iha grupu e ami sei hare e troka wainhira kick off” dehan Taquino.
“Ami fiar sei iha supreza furak husi maudoko ba ekipa EB iha jogu semifinal importante jogu ne’e lao ho diak para ema nonton mos kontenti ho jogo husi ekipa rua ne’e 40 menit mak sei determina jogu tamba ami hatene EB ekipa ida forte” Nia afirma
Nia dehan, ekipa hotu hakrak hetan vitoria mais buat hotu depende jogador ida ita fiar tun iha kampu laran
Nia hatutan, Sira nia preparasaun ba hasoru EB sira sidauk iha treinu special ba futsal tamba hare mos ba tempu durante ne’e sira treinu deit iha campu onze nian ho ida ne’e Maudoko sidauk iha perparasaun maximu mais fiar katak ho jogador senior – junior ho jogador estrangeiru sira sei ajuda malu para bele halo rame wainhira hasoru EB.
CharllY Junior
