DILI — Atleta hosi modalidade para Atletismu Abel De Jejus Martins ne’ebe mak oferese medalla osan metan ida iha korida metro 1500, iha domingu (04/06) ne’e perparadu atu kompete tan ba iha korida metro 400.
“Uluk nanain ha’u nia agradese ba Aman Maromak ne’ebe mak fo forsa no iss mai ha’u reprezenta Timor Leste partispa iha eventu ne’e hodi oferese Medalla Osan metan ida ba Timor Leste iha korida metro 1500 ha’u sente kontente tebes” dehan Abel ba JHD via Whatsapp Segunda (05/06).
Nia haktuir, eventu Asean Para Games ne’e Nia partisipa ona ba dala rua, antes ne’e iha solo Indonesia la hetan medalla iha tinan ne’e nia oferese Medalla Osan metan ida.
Tuir orariu Abel sei kompete tan iha korida metro 400 iha loron 6 no sei kompete tan iha metro 800 iha loron 7 fulan junnu ne’e.
Nia dehan, dadaun ne’e Nia iha kondisaun diak no prontu atu kompete iha metro 400 iha loron Aban 06 junnu.
Entertantu kontijente Timor Leste ne’ebe mak partisipa iha Asean Para Games edisaun 12 iha Kambodia tinan ne’e hamutuk modalidade 6 mak hanesan Para Atletismu, Para Tennis Table, Para Badminton, Para Swimming, Para Chess, no Para Powerlifting.
JHD
