DILI — Klubu segunda divizaun Fc Coelho, rekruta ona jogador foun nain 6, no prontu ona atu kompete Liga futsal epoka 2023.
Deklarasaun ne’e hato’o hosi Vise Prezidente FC Coelho, Zechi Assis ba jornalista sira iha Timor Lodge Dili, kinta (20/07).
“Hosi ami hosi Fc Coelho ami nia preparasaun desde fulan kotuk enkontru ikus ho AFTL hodi deside katak Liga futsal atu lao iha dia 4 de agustu, entaun ami halo perparasaun to’o agora ne’ebe hosi Fc Coelho nia estrutura tomak jogador ami prontu ona atu dia 4 ne’e bele komesa ona i ami sei hein mos informasaun klaru liu tan hosi AFTL rasik nune’e ami komesa rejistu ona jogador sira” Zechi Assis haktuir.
Vise prezidente klubu ne’e hatete, Liga futsal ne’ebe mak paradu ho tinan naruk nia laran fo impaktu makas ba ekipa Coelho tanba jogador antigu barak mak sa’i ba hodi hala’o servisu iha estranjeiru ne’ebe Fc Coelho sente lakon jogador importante barak
“Komesa kedas iha fulan ida nia laran ami halo rekrutamentu ne’ebe ami nia ekipa prontu ona agora ami komesa treinu ona atu hasoru Liga futsal ne’ebe mak atu mai agora iha ami nia lista jogador foun nain 6 balu foun no balu mai hosi klubu priemeira divizaun Liga futsal nian no mos segundu divizaun Liga futsal nian” dehan Vise prezidente.
Zechi Assis informa, iha epoka ida ne’e Fc Coelho sei kompete iha Liga Futsal ho jogador lokal deit no sei la halo rekrutamentu ba jogador estranjeiru tanba durante sira hala’o joga amigavel ho klubu barak no konsege hetan talentu barak liu liu hosi distritu sira tanba ne’e Coelho mos foti jogador hosi munispiu balu hanesan Maliana no Baucau ne’ebe lista ikus coelho sei perpara iha semana oin.
Nia afirma, janela transferensia sei termina iha loron 29 fulan ne’e nia laran, ne’ebe parese Coelho dia 27 ou 28 rejistu ona jogador tuir kriteria AFTL katak tenke 16 pesoas ne’ebe sira mos sei ba ho 16 pesoas ho Treinador ho asisten Treinador Mediku nain ida inklui media ida
“Dadaun ne’e jogador Fc Coelho iha jogador antigu kuaze nain 10 foun nain 6 ne’ebe ami perpara diak agora ami ajustamentu treinu ho sira antigu ho sira foun tanba jogador hotu nia istilu jogu la hanesan” nia hatutan.
“Ami perparadu kedas iha pra Liga futsal ne’e ne’ebe ami perparadu iha tempu barak ne’ebe agora ho Liga futsal ne’ebe atu lao dadaun ami perparadu metin ami iha konfiansa boot katak ami nia ekipa sei hakat ba priemeira divizaun iha epoka tuir mai, ami garante 100 pursentu hosi jogador kapitaun Treinador to’o estrutura tomak garante 100 pursentu” dehan Vise prezidente Fc Coelho Zechi Assis ho fiar aan.
Entertantu dadaun ne’e janela transferensia Liga futsal Timor Leste lao hela no tuir Kalendariu sei taka iha loron 29 fulan jullu ne’e no tuir Kalendariu Liga futsal sei abertura iha loron 04 fulan Agustu tinan ne’e.
JHD
