Dili– Jogador foun Caesar Dante Fc, Gelvanio Marcal (Abati), iha ambisaun boot hakarak lori nia ekipa Caesar Dante koileta pontus tolu hosi nia eis klubu Mushila Fc.
Kompetisaun Liga Futsal Timor Leste priemeira divizaun sei akontese jogu emosional iha jornada dahuluk entre ekipa Caesar Dante ne’ebe sei kontra adversariu Mushila Fc, duelo entre ekipa rua ne’e hasoru malu iha Sabadu loron 05 fulan Agustu ne’e.
Iha jogu rua ikus ne’ebe mak ekipa rua ne’e kontra malu ekipa Caesar Dante Fc sempre sofre derota, ekipa rua kontra malu ekipa Mushila Fc manan Caesar Dante ho score mihis 1-0 iha Pra Liga Futsal, no iha jogu segundu Caesar Dante derota liu hosi drama suta penalidade hafoin ekipa rua empata iha tempu normal iha jogu Taxa afama iha meias finais.
No iha epoka ne’e Caesar Dante Fc iha ambisaun boot hakarak manan nia rivalidade Mushila Fc, nune’e Caesar Dante Fc rekruta jogador importante Mushila Fc Gelvanio Marcal “Abati” hodi haforsa Caesar Dante durante epoka 2023-2024.
Iha entervista ho Gelvanio Marcal “Abati”, hatete, nia deside sa’i hosi Mushila Fc hodi haforsa ekipa Caesar Dante razaun hakarak buka esperensia foun sira hala’o ona perparasaun treinu kada loron nune’e Abati prontu atu hasoru Mushila Fc ne’ebe mak nuudar nia eis klubu.
Nia mos rekonse nia eis klubu ne’e nuudar ekipa zigante ida maibe sira mos perparadu no nia parte sei esforsu makas no prontu lori nia ekipa Caesar Dante Fc hodi koileta pontus tolu
“Hau sente Mushila Fc nuudar ekipa ne’ebe forte maibe ami mos perparasaun diak, ne’ebe hasoru Mushila ne’e ami sei hatudu jogu diak, i ha’u sente jogu ne’e orsida sei rame liu tan tanba ha’u hasoru ekipa ne’ebe mak ha’u pernah haforsa ba i hasoru sira ha’u tenke esforsu aan ha’u prontu lori ekipa Caesar Dante Fc sa’i vensedor iha jogu kontra Mushila Fc, ne’e ha’u garante sei manan” dehan Eis jogador Mushila Fc Abati ba JHD ho fiar aan iha Kintal Boot Dili, Kinta (03/08).
Iha fatin hanesan prezidente interinu klubu Caesar Dante Fc, Osorio Manuel Fernandes, afirma, Mushila Fc laos ekipa foun ba Caesar Dante, tanba iha jogu Pra Liga sira kontra malu ikus Mushila Fc manan ho score 1-0, ne’ebe klaru Mushila Fc ekipa ne’ebe zigante maibe Caesar Dante mos perparadu atu frekenta sira iha dia 5 agora.
“Relasiona ho jogu kontra Mushila Fc iha dia 5 agora, ba ami Mushila Fc laos ekipa foun, iha Pra Liga Futsal rasik ami frekenta sira ikus sira manan ami ho 1-0 ne’e mos iha minutu ikus tanba ne’e sim sira ekipa zigante, mais Caesar Dante mos prontu ona bem preparadu hakarak frekuenta Mushila iha dia 5 agora” dehan Osorio.
“depois de perparasaun kuaze fulan ida resin Caesar Dante ami optimista gainha 3 pontus iha jornada ida kontra Mushila ne’e”
Hosi Sorin seluk Sekretariu jeral Mushila Fc, Aking ung (PK), konfirma katak, nia parte ladun kontente tanba Mushila Fc foti sira nia jogador importante ida ne’ebe mak haforsa sira durante tianan barak nia laran
“Privadu ha’u triste oituan ho Caesar Dante iha tempu pasadu ami foti sira nia jogador diak ida Eufragio i tinan ne’e sira foti fali ami nia jogador diak ida Gelvanio ne’ebe mak ami hamutuk durante tinan barak sempre reforsa Mushila maibe agora ne’e Caesar Dante foti tiha emosionalmente ha’u ladun kontente maibe ida ne’e mak prosesu jogu tanba nia hakarak ba joga iha ne’eba ita labele obriga maibe ami perparadu para atu bele kompete ho sira i ami sei hatudu ba sira” dehan PK
“Mushila perparadu i sente katak atu asegura pontus tolu ne’e hanesan presu fiksu tidak ida ne’ebe mak ami tenke foti hosi Caesar Dante” tenik nia.
PK mos ho fiar aan hodi fo prediksaun katak sira sei manan ho score 2-1 ou 3-1, tanba Mushila kuandu marka ona golu ne’e perigu.
JHD
