Dili-12/11/2021,Jogu kontinuasaun pra liga futsal Timor-Leste entre Klubu AD Samoro kontra Jerman Fc, ne’ebe termina ho score 2 – 2.
Husi Inisiu Klubu rua halo kedas atake ba malu. Nune’e Jerman Fc mak Sucesu fura uluk rede AD Samoro iha 9 minutu liuhosi Rafael Carvalho, Score 0-1.
Lalaok jogu, kontinua Lao ho ritmu as. Nune’e Liu deit minutu rua AD Samoro konsege halo empata score liuhosi Agripino G. Ximenes ne’ebe aproveita assist husi Andre Vong Hodi lansa suta ida ne’e guarda rede la konsege salva, score 1 – 1. To primeira parte termina laiha Tan Golu ruma nune’e score nafatin.
Iha Segundo parte, Lalaok jogu rame liu tan. Klubu rua tenta kria atake oin – oin. Nune’e, Andre Vong kria suta husi linha mutin liur Ida ne’ebe jogador Jerman Fc konsege blokeia.
Hafoin tama ba minutu 27 AD Samoro konsege loke espasu golu ho Jerman Fc liuhosi Jose Gusmao ne’ebe konsege lori bola ultrapasa defeza adversariu nian, hodi finaliza ho suta ne’ebe guarda rede labele antisipa, score 2 – 1.
Iha minutu tuir mai, Jerman Fc mak hetan opurtunidade hodi fo ameasa ba guarde rede, liuhosi asaun … ne’ebe suta husi dook Ida ne’ebe fasilmente guarde salva. Tama ba minutu 32, mak jogador Jerman Fc kria atake ida ne’ebe Domiber dos Reis Soares konsege aproveita hodi komverte sai golu, score 2 – 2.
Ho score ne’ebe empata halo tensaun jogu as liutan. Nune’e, iha minutu ikus ba enkontru nian Jogador Jerman FC, Rafael de Carvalho emosaun halo asaun protestu makas ba arbitu hodi resulta nia simu kartaun mean iha minutu 39.
Nune’e tuir Treinador Jerman Fc, Nelio Boavida Lai Hateten, “Tuir ha’u – nia observasaun ba jogu loron ohin entre Ekipa rua ne’e kapás tanba nakunu ho Esprito no estilu jogu ne’ebé furak, tan ne’e ba oin hakarak esforsu makas atu bele menan. Ami labele kontinua hetan resultadu empata”.
Reportajen: Lidia
