Dili – AD SLB Laulara susesu rekolla pontus tolu (3) hafoin tidin nia ekipa adversariu DIT Fc ho score 4-1 iha jogu kontinuasaun primeira divizaun Liga Futebool Timorense jornada daruak.
Jogu entre ekipa rua ne’e hala’o iha Stadion Munisipal Dili tersa (23/11/2021), iha inisiu jogu ekipa AD SLB Laulara ne’ebé mak hatudu ritmu jogu konsege domin bola ho nune’e tama ba iha minutu 6 AD SLB marka kedas golu liu husi jogador Alexandre ima kefy.
Extremu iskerda ho númeru kamizola 21 ne’e marka golu hafoin simu asistensia bola kruza husi nia kompaaineru Jerimias Baptista, ho nune’e score muda aan ba 1-0
Liu de’it minutu ida ka iha minutu 7 klubu istimadu ho naran Makikit Laulara haboot tan score ba 2-0 hafoin jogador husi ekipa Dit Fc la kontrola bola ho di’ak ho nune’e joga Jerimias Baptista aproveita hodi fura rede DIT fc.
Sofre ona golu rua ekipa DIT komesa sai hodi halo kontra ataka ba AD SLB Laulara maibé esforsu ne’ebé ekipa DIT halo fo rezultadu ne’ebé pozetivu tanba guarda defensivu husi AD SLB Laulara la fó fatin ba ekipa DIT Fc.
Tama ba iha minutu 20 AD SLB Laulara hetan oportunidade hodi suta bola livre hafoin jogador husi DIT komete erru.
No kapitaun AD SLB Nidio Alves ne’ebé sai ezekutador suta bola ho aas liu.
Lidaera ho score 2-0 SLB Lialura fiar aan hodi mantein hatudu sira intesdade jogu liu husi tatika husi ain ba ain hodi kontinua fo presaun ba DIT Fc.
Tama ba iha minutu 45+ AD SLB haboot liu tan score ba 3-0. Liu husi jogador Alexandre Ima Kefy.
Extremu iskerda ho númeru kamizola 21 marka tan nia naran hafoin simu asistensia husi Aldo Amaral iha linha klaran.
Score 3-0 ne’e amntein too termina jogu primeira parte.
Kontinua ba jogu segunda parte armada Makikit Laulara la muda sira nia intesdade jogu ho nune’e mantein domina bola hodi halo atake ba DIT Fc
Tama ba iha minutu 53 AD SLB konsege remata tan dala ida liu husi jogador Kornelis Portela maibé seidauk kona tarjetu.
DIT Fc foin hetan oportunidade hodi ameasa rede AD SLB iha minutu 72 liu husi jogador Venceslau Fatima maibé sei antisipa husi guarda rede AD SLB, Filonito Nogueira.
Tama ba iha minutu AD SLB fo fali ameasa ba DIT Fc liu husi Kapitaun Nidio Alves maibé sei bele salva husi guarda rede DIT Fc, Ricardo Nunes.
Rede DIT fc nakdoko hikas hafoin Jerimias Baptista Marrka tan golu ida hodi haboot score ba 4-0.
Extremu direta ho númeru kamizola 69 marka hafoin simu asistensia bola husi linha klaran no hatudu nia asaun hodi kedok defeza nain 2 no lori tama ba iha area perigozu DIT hafoin marka golu.
DIT Fc foin hamihis score iha minutu 87 liu husi Avansadu José Almeida, jogador ho númeru kamizola 7 marka golu liu husi kabesda hafoin simu asistensia bola kruza husi Venceslau Fatima, ho núne’e muda score ba 4-1, ho score refere mantein to’o termina jogu segunda parte vitória ba AD SLB Laulara.
Husi rezultadu vitória lori ekipa AD SLB okupa iha sugundu klsifikasaun provizoriu Liga Futebool Timorense primeira divizaun, ho pontus 4 husi joga dala 2 manán dala ida no empata dala.
Enkuantu DIT Fc tun ba zona mean ka ikus l nunka manán iha jogu dala rua no sofre ona golu barak.
AD SLB Laulara: Efrem Jeronimo; Filonito Nogueira, Nidio Alves, Kornelis Portela, Filipe Oliveira, Tonito Belo, Natalino da Costa, Jordao da Silva, Alexandre Ima Kefy, Fernando de carvailho, Aldo Amaral, Jerimias Baptista.
DIT Fc: Alexandre Cham; Ricardo Nunes, Feliciano Gonsalvea, Leopodo Guterres, Venceslau Fatima, Ervinho Soares, Dino Amaral Edencio da Costa, Gilbert Richard, Sewor Mahuse, Serafim Broto, Anito Boavida.
Reportajen: CharllY
