Dili, 21/11/2021, ohin loron ikus ba jogu modalidade Xadres kategoria feto no Mane iha FESDATIL 2021. Ne’ebe halao iha Auditorium Liceu UNTL durante loron rua.
Iha Intistutu superior 4 mak partisipa iha modalidade Xadres kategoria feto, FESDATIL 2021. Husi DIT nain – 1, IOB nain-1, UNPAZ nain-1 no UNTL nain-6.
Jogu refere uja sistema swis ne’ebe organiza direita husi Federasaun Xadres Timor – Leste (FXTL), katak kada atleta sei jogu dala-5, sé mak hetan pontu boot mak sei manan.
Iha jogu ikus, Maria do Céu atleta husi IOB konsege lakon ho check mate husi Amenciana do Rego husi UNTL. Maske nune’e, Maria do Céu nafatin sai manan nain dahuluk ho pontu 4, enkuantu Amenciana do Rego sai manan nain ba dahat nian ho pontu 3.
Iha sorin seluk, Embelina Soares husi UNTL konsege manan Sidonia Soares tanba Rende, nune’e nia rekolla pontu 4 husi jogu 5, Maibe tán lakon head to head ho Maria do Céu iha jogu ba dala hat maka nia sai manan nain-2.
Ho resultadu ida ne’e, Maria do Céu no Embelina Soares sei reprezenta universitariu hotu hodi ba partisipa ASEAN UNIVERSITY GAMES ne’ebe sei hala’o iha Thalandia, iha tinan oin.
Maria do Céu haorsa tán ba media JHD via whatsApp katak ” ha’u kontenti tanba bele sai manan nain iha Federasaun Desportu Akadémiku Timor-Leste 2021 nian, iha modalidade Xadrez feto nian. Maibé, atingimento ida ne’e mós dezafia ha’u atu aprende no treina barak liu tán tanba ha’u seidauk hatene buat barak. Ha’u hein katak, sei hamorin ha’u nia almamater (Institute of Business (IOB)) iha Timor-Leste no ba rai seluk”.
Ho kampeaun ida ne’e, Maria do Ceo konsege ona sai manan nain ba dala tolu, iha kampeonatu nasional 2020 nu’udar manan nain datoluk, kampeonatu nasional 2021 nu’udar manan dahuluk no ida ohin nian.
