Dili, 22/11/2021, Andrade Pinto ultrpasa jogu 7 sein sofre derrota iha jogu modalidade Xadres kategoria Mane iha FESDATIL 2021. Ne’ebe halao iha Aiditoriu Liceu UNTL durante loron rua.
Iha Intistutu superior 8 – DIT, IOB, IPDC, ISFIT, UNITAL, UNTL, UNPAZ, IJB – mak partisipa iha modalidade Xadres kategoria Mane, ho tatal atleta nain-59.
Jogu refere uja sistema swis ne’ebe organiza direita husi Federasaun Xadres Timor – Leste (FXTL), katak kada atleta sei jogu dala-7, se mak hetan pontu boot mak sei manan.
Iha jogu ikus, Andrade Pinto atleta husi UNTL Manan kontra Luis da Silva husi UNTL liuhosi rende iha ending pion. Nune’e, Andrade Pinto sai manan nain dahuluk ho pontu 7 enkuantu Enkuantu Luis da Silva okupa manan nain dahat ho pontu 5.
Iha meza datoluk, Miguel Arcanjo husi UNTL okupa manan nain- daruak hafoin manan David No Ano tanba Rende iha ending pion vs queen, nune’e rekolla pontu 6 husi jogu 7, pontu hanesan ho Jose Fatima husi UNTL iha Manan nain-3
Ho resultadu ida ne’e, Andrade Pinto no Miguel Arcanjo sei reprezenta universitariu hotu hodi ba partisipa ASEAN UNIVERSITY GAMES ne’ebe sei halao iha Thalandia, iha tinan oin. Kuandu nain-2 priense hotu kriteria tekniku sira hanesan tinan.
Tuir Andrade Pinto hateten ba media JHD via WhatsApp iha 22/11 katak “Ha’u Senti kontenti tebes bainhira ultrapassa jogu 7 sem sofre derrota ruma, nune’e rezultadu hatudu ha’u mak sai hanesan vencedor iha kompetisaun Ida-ne’e, no orgullu mós ho ha’u-nia an rasik tanbá bele kontribui ona taxa ida liu husi modalidade Xadrez ba kontijénsia UNTL iha ámbitu Festiival Desportivu Timor-Leste (FESDATIL). Mensajén ikus ba Atleta Xadrez sira hotu katak hakarak sai vencedor ne’e tenki treinu maka’as, tanbá imposivel atu sai vensedor bainhira ita la treinu! Salam Gens una somos“
Ho kampeaun ida ne’e, Andrade Pinto konsege ona sai manan nain ba dala 2, iha kampeonatu nasional 2021 nu’udar manan nain datoluk, no horseik nian.