Dili-21/11/2021, Kontinuasaun Liga Timorense de Futebol femenino, S’Amuser festa golu kontra Academica Fc.
Jogu hahu ho ritmu as no moris hodi apresenta kontra – atake entre klubu rua. Maske nune’e S’Amuser nia atake efetivu Liu hodi resulta golu iha minutu 11 Susana M. B. Soares ho numeru 10 lansa suta ba rede Academica, la bele salva husi Guarda rede, Score 0-1.
Liu de’it minutu 3, iha minutu 14 Susana M.B Soares lori S’Amuser haluan espasu score liuhosi nia asaun ne’ebe guarda rede la antisipa, score 0 – 2.
Ho score ne’e aumenta liu tan espirito S’Amuser hodi domina bola iha jogu primeira parte, ho nune’e iha minutu 26 sira kria atake ne’ebe Leticia do Rego ho numeru camizola 20 finaliza ho suta ne’ebe guarda rede la konsege tuku sai, score 0 – 3.
Ho dominasaun bola no organiza atake Ida efetivu, maka iha minutu 33 Dolores Costa ho numero camizola 7 lori bola tama ba area defeza hodi lansa suta makas ne’ebe guarda rede la bele salva, score 0 – 4.
Tama ba minutu 5 ikus husi primeira parte, S’Amuser lansa atake dalabarak, hodi destroi konsentrasaun defeza adversariu nian, nune’e iha minutu 42 Cecilia Godinho ho numeru camizola 23 konsege marka tan Golu, score 0 – 5. Score refere augenta to primeira parte termina.
Iha segundu parte, S’Amuser kontinua domina bola nune’e sira iha tempu hodi organiza atake Ida efetivu. Nune’e, Tama ba minutu 61 Dolores Costa marka nia golu daruak iha enkontru ida ne’e, score 0 – 6.
Ho kondisaun hirak ne’e halo Academia Fc monu liutan, nune’e fo tempu ba S’Amuser hodi domina bola no lansa atake beibeik ba sira-nia area defeza. Tama ba minutu 70 Rosa S.M Da Costa númeru kamizola 8 lansa suta makas ne’ebe guarda rede la konsege tahan ho diak, hodi bola kois no halai tama ba rede laran, score 0 – 7.
Laiha mudansa ba karacter husi Klubu Academica, ikus mai Klubu S’Amuser halo subtituisaun ba jogador troka númeru kamizola 23 hatama númeru kamizola 3 husi ne’e hakat de’it ba 3 minutu S’Amuser muda tan score ba 0-8 liu husi Jogador Nilvia Marcal númeru kamizola 3 iha minutu 73 ho score 0-8.
Ho nune’e antes jogu remata oportunide ikus ba S’Amuser jogador Rosa M.S Da Costa Númeru kamizola 8 iha minutu 76 foti ain suta bola marca tan golu ba rede Academica muda score 0-9. Ho nune’e jogu termina Klubu S’Amuser Lidera ho score 0-9.
Ho Vitoria ida ne’e lori S’Amuser lidera klasifikasaun Provizoriu Liga Timorense de Futebol Femenino ho pontu 14. Enkuantu, Academia Fc okupa pozisaun ikus liu, ho pontu mamuk.
Reportajen: Lidia
