Dili – Treinador Assalam Assalam fc, Adu Namiruru, fo sala ba jogadores hafoin lakon hasoru nia ekipa adversariu Karketu Dili ho score 1-0 iha jogu kontinuasaun Liga Futebool Timorense jornada daruak ne’ebé mak hala’o iha stadion munisipal Dili Domingu (21/11/2021).
Hafoin remata jogu Tuir Treinador Assalam fc hatete, “Agresaun ba joga primeira parte nian diak tamba hotu hotu forsa no ba segunda parte nian mos diak, ami nia falla mak bola husi sorin sorin, nebe ami nia defende markimen mak araska tamba la kontrola diak iha defesa“.
Adu Namiruru haktuir, “Ba jogus ohin loron nian lolos Assalam hetan golu tamba iha oportunidade livre maibe ida nee jogu, dalaruma ita iha kampu liur hanoin nee fasil maibe difisilba jogadores sira atu hatama golu”
“Iha jogu nee ami iha preparasaun masimu, ba finishing mos diak, maibe ida failansu husi jogador ida-idak nian” dehan Adu Namiruru ba jornalista sira liu husi konferensia imrensa.
Iha fatin hanesan tuir treinador Karketu Dili Fc Vicente Ramos hateten, “ba jogu ohin nian sira manan duni maibe iha parte seluk wasit estraga duni jogu nee tamba falta falta sira la precija nee ita tenke hare, se falta kiikoan sira hanesan nee ita la fo atensaun nee sei estraga jogu lao.”
“Normalmente ami sei halo tan adaptasaun ba jogador lokal no jogador estranjeiru tamba foin loron lima sira treinu hamutuk ba oin ami sei halo evaluasaun no hadia linna balun” dehan Treinador Karketu Dili Fc Vicente Ramos.
Reportajen: Putri/CharllY
