Dili – Jogu kontinuasaun Liga Timorense jornada daruak ekipa Karketu Dili susesu hadau pontus tolu (3) kontra Assalam Fc iha jogu ne’e armada Matak Malirin manán nia adversariu Assalam Fc ho score 1-0.
Duelo entre ekipa Assalam FC kontra Karketu Dili FC ne’e hala’o iha Stadion Munisipal Dili, Domingu (21/11).
Iha inisiu ekipa rua ne’e hotu hotu hatudu jogu furak iha kampu liu husi kontra ataka ba malu maibé ekipa rua la konsege produs golu to’o primeira parte termina eskor mantein okulista 0-0.
Kontinua ba jogu segunda parte ekipa Assalam Fc tun kedas ho ambisaun aas hodi marka maibé oportunidade ne’ebé Assalam hetan la konsege sai golu tanba guarda defensivu husi karketu Dili la fó fatin ba Assalam hodi produs golu.
No tama ba iha minutu 51 Karketu Dili Fc konsege produs golu ida hodi hatuur score ba 1-0, liu husi jogador Patrick da Silva
Avansadu estranjeiru ho númeru kamizola 99 marka golu liu husi kabesda hafoin simu asistensia bola kruza husi nia kompaaineru.
Ho score 1-0 halo ekipa Assalam Fc kontinua halo presaun ba ekipa Karketu Dili maibé la konsege sai golu.
Iha minutu ikus ekipa Assalam Fc konsege hetan oportunidade hodi suta fila fali ba rede kaketu Dili maibé la konsege sai golu tanba sei bele antisipa husi gaurda rede
Iha extra time Assalam fc iha oportunidade hodi fura rede Karketu Dili liu husi Avansadu Martinho Belo, jogador ho númeru kamizola 22 ne’e hetan bola kruza husi nia kompaaineru hafoin suta ba rede kaketu maibé kona fali besi ho nune’e score 1-0 la muda to’o termina jogu segunda parte vitória ba armada Karketu Dili Fc.
Husi rezultadu vitória ne’e lori ekipa Karketu Dili Fc dudu tun Lalenok United no okupa hikas tabela klsifikasaun provizoriu Liga Timorense ho pontus 6 husi joga dala rua
Enkuantu Assalam Fc mantein iha jona mean ka ikus liu ho pontus 0 tanba iha jogu dala rua lakon hotu
Assalam Fc: Adu Namiruru; Wahyu Pratama, hasan Costa, Almerito da Silva, Adao Doutel, Armando Varela, Husen Costa, Helder Valente, Sebastiao dos Santos, Riki Permana, Bonarudin Amin, Emmanuel Tunu.
Karketu Dili Fc: Vicente Ramos; Frengky Cardoso, Norberto Goncalves, Angiso Barbosa, Gaudencio Monteiro, Nataniel Reis, Gervanio Alberto, Jose Silva, Patrick da Silva, Mickael Eugene, Boateng Appiah.
Reportajen: Cahrlly junior