Dili 20/11/2021, Federasaun Futebol Timor-Leste (FFTL), realiza formasaun online ba Arbitu selesionado ne’ebé dirije kompetisaun jogu iha Nivel Nasionál.
Realiza formasaun online ne’e tanba iha tinan haat regulamento ka lei ba Arbitu sira sempre iha mudansa nune’e formasaun ne’e ho objetivu atu forma ka aumenta Arbitu Timor-Leste sira nia konhesimentu, aprende regras foun Arbitu nia atu bele lidera jogu ho di’ak. Formasaun refere hala’o durante loron Lima abertura iha loron 15 depois kontinua fali Formasaun iha loron 18 no remata iha loron 21 fulan ne’e,iha Xanana Sport Center Dili.
Arbitu ne’ebé partisipante iha formasaun ne’e mai husi asosiazaun sanulu resin tolu (13) Inklui Dili. Totál Arbitu hamutuk nain 45, Mane nain 35 no Feto nain 10 mai husi Munisípiu ne’ebé diferente kada Munisípiu delega Arbitu nain lima maibé,maioria husi Munisípiu Dili.
Tuir Presidente Asosiazaun arbitragem Aniseito Belo Hateten “Programa Cursu online ida ne’e hetan suportasaun husi FIFA, no instructor FIFA ho naran Pa Muhamat mak fo formasaun online direitamente ba Arbitu sira akonpanha husi Instructor nain haat iha Timor-Leste”.
Nia hatutan tan katak, “Arbitu ne’ebé mai partisipa iha Cursu online ida ne’e antes ne’e fó uluk ona formasaun hafoin liu husi selesaun mak mai tuir formasaun refere. Nu’udar Instructor orgulho ba Arbitu sira ne’ebé partisipa iha formasaun ne’e tanba matéria ne’ebé sira simu konprende ho di’ak”.
Alende ne’e haforsa tan husi Futsal Officer FFTL Lourenço Baptista Gutteres katak, Arbitru ne’e funsaun hanesan Juis hodi Lidera jogu no wainhira Lidera jogu Arbitu ne’e sei fahe ba parte difrentes mak, Arbitu prinsipál, Arbitu reserva no Juis liña.
Iha fatin ne’ebé hanesan reprezentante Arbitu husi Munisípiu Ermera Dencia Guteres “Hateten,Sente Kontente hodi tuir formasaun online ne’e tanba formasaun online sente hanesan aprende direitamente hodi haree liu husi video sira ne’ebé iha, nune’e mós liu husi formasaun ne’e aumenta liu tan sira nia konhesimentu kraik iha oportunidade Lidera jogu bele aplika regulamento ne’ebé mak aprende ona husi formasaun ne’e”.
Reportajen: Lidia
