spot_imgspot_imgspot_imgspot_img
spot_imgspot_imgspot_imgspot_img
More

    Falla iha domina bola, Maranatha sofre derrota kontra Buibere Fc

    Dili-20/11/2021, Jogu Futebol femenino Jornada 7, Klubu Buibere fc Kontra Maranatha fc iha Campo Demokrasia klubu Maranatha fc Sofre golu 4.


    Iha primeira jogu entre Klubu rua hahú jogu hatudu ho ritmo ne’ebé hanesan tamba ne’e Klubu rua esforsu an hakarak muda uluk skor iha jogu primeira parte, ho esforsu ne’ebé iha Maranatha fc koko domina bola iha minutu balun, hodi pasa bola ba malu, hatudu jogu ne’ebé rapidu tebes.


    Husi ne’e Klubu Buibere Fc halo mudansa nia meneira jogu hodi halo atake makas ba Klubu Maranatha fc, ho ne’e halo Klubu Maranatha Fc lakon ona vontade hodi la-kontrola bola ho di’ak no failla be-beik iha parte fahe bola ba malu.


    Aproveita fallansu ne’ebé Buibere fc domina campo hodi halo atake oi-oin ba iha Klubu Maranatha fc, ho atake ne’e akontese bola falta deside liu husi Arbitu, hosi bola falta ne’e jogador Lucelia Fernandes númeru kamizola 8 hetan oportunidade ba dahuluk lansa golu ida ba rede Maranatha fc iha minute 35, golu ne’e direitamente muda skor ba 1-0. Adeptus Buibere Fc hakosik no haklalak hodi fo antusiasmu ba golu refere, golu ne’ebé produz hosi distansia ne’ebé do’ok.


    La presija tempu naruk ho de’it minutu 4 hosi minute 35 Klubu Buibere fc muda tan skor ba 2-0 liu husi Jogador Marcia Chaves númeru kamizola 17 iha minutu 39 ne’ebé konsege marka golu ba iha guarda rede Maranatha Fc, rezulta golu tamba guarda rede husi Maranatha ka’er bola la-metin, bola halai sai husi nia liman tama ba rede Maranatha nian. Liu minutu ida deit ho esforsu nafatin husi Jogador Marcia Chaves númeru kamizola 17 muda tan skor ba 3-0.


    Ho skor ne’e fó presaun ba Klubu Maranatha fc, nune’e sempre halo sala iha jogu primeira parte, tanto lakon mós konsentrasaun. Ho ne’e motiva liu tan Klubu Buibere Fc hetan bebeik oportunidade hodi halo ameasas ba iha rede Maranatha Fc liu husi Jogador númeru kamizola 8 maibé salva ho kabesa husi Maranatha Fc nia Jogador ho númeru kamizola 6, nune’e la-rezulta golu to’o primeira jogu remata.


    Kontinua ba jogu parte daruak, Klubu Maranatha Fc halo subtituisaun ba nia jogador troka númeru kamizola 10 hatama númeru kamizola 9. Ho subtituisaun ne’e lori rezultadu di’ak ba Klubu Maranatha fc esforsu an halo atake ba iha rede Buibere Fc nian. Atake ne’ebé iha, Jogador númeru kamizola 8 husi Klubu Buibere simu kartaun kinur tamba dada makas ba jogador númeru kamizola 19 husi Maranatha.


    Iha segundu jogu maske esforsu an husi Klubu Maranatha Fc ho estilous jogu oi-oin no halo ameasas dala barak ba iha rede Buibere Fc liu husi Jogador númeru kamizola 27 maibé frakeza iha parte la-kontrola bola ho di’ak no obriga liu bola. maske Maranatha Fc iha insitiva hakarak hamihis skor maibé Buibere la fó biban tamba hakat ba minutu 67 Buibere fc muda tan skor ba 4-0 liu hosi Jogador Marcia Chaves númeru kamizola 17.


    La-lakon Espirito Maranatha fFc nafatin mantein nia jogu hodi atake bola. Alende ne’e baliza husi Buibere Fc Komete erru tamba demora liu tempu hodi fo bola ba joagdor sira. Husi ne’e Maranatha fc Jogador numero kamizola 27 hetan tan oportunidade hodi suta bola ba rede Buibere maibe la-resulta golu tamba bola aas liu rede. Nune’e Klubu Maranatha fc la-produz golu to jogu remata Buibere Fc Lidera ho Skor 4-0.


    Tuir observasaun treinador husi Klubu Maranatha fc, Januario de Almeida nian, “Klubu Maranatha ohin lakon ho skor 4-0 tamba fallansu iha menos vontade iha jogu primeira parte, maske lakon maibé ho esforsu nafatin hadia di’ak liu tan fallansu ne’ebé iha hodi hasoru Klubu tuir mai”.


    Iha fatin ne’ebé hanesan hatutan liu husi treinador Octaviano Pinto husi Klubu Buibere Fc katak, “Fo parabens ba nia jogador sira tamba bele Lidera ho skor 4-0, ho skor ne’e fó espasu di’ak ba sira nia ekipa atu labele lakon pontu do’ok husi Klubu Maranatha fc”.


    Buibere Fc: Octaviano Pinto; Leonilda Cabral, Lucelia Fernandes, Femania Babo, Marcia Chaves, Martinha Doutel, Agostinha Soka, Natacha Carmo, Monica Xeicas, Tasia Duarte, Fernanda da Costa, Zya Conceicao,


    Maranatha Fc: Januario de Almeida; Brigida G. F. da Costa, Agia Isabel Bria, Saturnina da Costa, Aguida da C. Ximenes, Manuela B. H. da Costa, Olvince Wenda, Novenia I. de Jesus, Graciela J. G. Amaral, Herlina da S. Dias, Nelina B. D. M. de Deus.

    spot_imgspot_imgspot_imgspot_img
    JHD Admin
    JHD Adminhttps://jhdtimor.com/
    Juventude Hadomi Desportu
    spot_imgspot_imgspot_imgspot_img

    Latest articles

    spot_imgspot_imgspot_imgspot_img

    Related articles

    Leave a reply

    Please enter your comment!
    Please enter your name here

    spot_imgspot_imgspot_imgspot_img