Dili-20/11/2021, jogu entre Aitana Fc kontra AD. S.L.B Fc termina ho skor 0-0, maske ekipa nune’e liu hosi performansia ekipa rua nian bele harame ona stadium munisipal dili iha loron ohin.
Hahu joga ba primeira parte, entre ekipa rua hahu kedas kontra atake ba malu, hare husi estratejia no tatika jogus nian entre jogadores husi ekipa rua la-hatudu frakeza hosi ekipa rua tamba iha dinamika jogu ne’ebé hanesan. Ida-idak joga hodi hadau vitoria ba pontus primeiru maibe iha ne’e ekipa rua iha kapasidade no iha preparasaun fiziku tekniku ne’ebé hanesan.
Alexandre Ima Kefi ho numeru kamizola 21 husi AD. S.L.B iha minutu 13 remata bola besik iha liṅa 16 ne’ebé konsege atu produz golu ba primeira pontu maibe jogadores refere suta as liu tiha.
iha minutu 20 AD. S.L.B. nafatin liu hosi Alexandre Ima Kefi ho numeru kamizola 21 aproveita fallansu hosi Aitana Fc no konsege fo tan ameasas ba Aitana Fc maibe la-rezulta golu tamba bola nafatin semo liu tiha.
AD. S.L.B Fc kontinua fo ameasas iha minutu 26 liu hosi jogador Jeremias Baptista ho numeru kamizola 69, maibe nafatin labele atu marka golu tamba bola ses hosi rede Aitana Fc nian.
Maske nune’e ekipa husi Aitana Fc lakoi lakon ho ekipa AD.S.L.B Fc ataka nafatin husi jogador numeru 9 Edit Savio husi Aitana Fc no iha minutus 38 ho maneira kabesa husi liṅa 16 ba los kedas baliza nia ain hun no hako’ak lalais husi baliza AD. S.L.B Fc. Hafoin liu tiha minutu 43 nafatin ho numeru 9 Edit Savio husi Aitana Fc tenta nafatin atu marka golu husi dok, nia suta ba rede ho forte maibe baliza haksoit responde kedas hodi baku bola ba rai.
Hosi ameasas dalarua ne’ebé edit xavio halo, hasa’e liu tan antusiasmu hosi adeptus ekipa rua nian no jogu mos kontinua rame liu tan.
Maske Aintana Fc fo ameas fila dalarua maibe iha minutu 44 AD. S.L.B nia jogadores ho numeru 21 Alexandre Ima Kefi fila fali ho oportunidade ida ne’ebé di’ak no nia marka kedas bola ba iha guarda rede Aintana Fc no guarda rede aitana Fc konsege sai ses hosi nia opzisaun maibe nafatin labele marka golu tamba bola ses hosi rede Aintana Fc nian.
Jogus ba semana da-ruak ne’e jogu ne’ebé kontrativu tebes tamba ekipa rua konsege lansa ameasas ba malu maibe em-jeral AD. S.L.B domina liu jogu iha primeira parte, maske AD. S.L.B domina liu jogu maibe Aitana Fc mos la fo oportunidade atu AD. S.L.B marka golu no jogu primeira parte termina ho skor 0-0.
Jogu segunda parte komesa hahu, bola la’o dau-daun ona iha kampu laran, ekipa ida hodi bola no ekipa ida organiza nia jogadores hodi halo atake.
Iha jogu segundu parte Aitana Fc esforsu atu domina jogu maibe ho esperensia no preparasaun ne’ebé AD. S.L.B Fc iha halo AD. S.L.B nafatin domina jogu iha segunda parte.
Jogu segunda parte la’o to’o klaran ona maibe seda’uk iha ameasas ne’ebé bo’ot hosi ekipa rua. No ate arbitu lian hodi fo sinal katak jogu termina mos nafatin la-iha mudansa ba eskor, nune’e jogu entre Aintana Fc no AD. S.L.B termina ho skor 0-0.
Tuir treinador husi AD.S.L.B Efrem Jeronimo hateten, “ohin ami falta iha finising iha oportunidade barak maibe ami uza la ho di-di’ak maibe ha’u sente kontente ba ha’u nia jogador sira. Maske jogador selesaun
ba liur barak, jogador nain hitu maibe ha’u hamutuk ho jogador cadangan sira nafatin esforsu an ikus fahe pontu ne’ebé hanesan”.
Nunee mos tuir treinador Aitana Fc Octavio Araujo haktuir, “iha segundu parte nian ami iha falla nafatin maibe ida-ne’e mak konsekuensia jogus nian tamba ne’e falla ne’ebé ami iha jogu tuir mai ami sei hadia”.
Aitana: Octavio Araujo; Yusak Redjauw, Joseph Koami, Gabriel da Costa, Roberto Maia, Lamberto Ximenes, Rigelberd Lay, Miguel Ximenes, Miguel Araujo, Edit Savio, Fransyatma Ima Kefi, Jose Pereira.
AD. S.L.B.: Efrem Jeronimo; Andrew Mensah, Nidio Alves, Jeremias Baptista, Tonito Belo, Natalino da Costa, Jordao da Silva, Alexandro Ima Kefe, Fernando de Carvalho, Jorge Moniz, Aldo Amaral, Filipe Oliveira.
Reportajen: Putri
