Dili- Cornelis Portela Susesu marka golu ida hodi salva Makikit Laulara husi Derota iha jogu kontinuasaun Liga Futebool Timorense primeira divizaun jornada 3 kontra Karketu Dili Fc.
Jogu ne’ebé hala’o iha stadion Munisipal Dili sabadu (27/11/2021) ohin ekipa Karketu Dili Fc hahu jogu ho performan ne’ebe di’ak, ekipa ne’e joga ho kuidadu iha jogu primeira parte nian, liu husi estratejia no tatiku sira, konsege domina bola.
Tama ba iha minutu 20 Karketu Dili Fc lidera kedas ho eskor 1-0 hafoin jogador Mickael Eugene fura rede AD SLB, jogador nasionalidade Franca ne’e marka golu hafoin simu asistensia bola kruza husi nia kompaneiru José Silva.
Alende nee mos AD. SLB la haluha esforsu atu duni tuir numeru golu maske iha ona pontus-pontus ameasa bola ne’ebe akontese liu husu jogador Filipe Oliveira iha minutu 31, maibe mehi ne la sai realidade tamba suta aas liu rede golu nian.
Hafoin liu tiha minutu 34 ekipa Karketu Dili Fc hahu kontra ataka fila fali ba ekipa AD.SLB Fc, bola ameasa tan ba dala ida, halo baliza AD. SLB Fc sai husi nia pozisaun halai ba linha oin, iha momentu ne’eba furak ba jogador numeru 10 Gelvanio Alberto atu marka tan golu, maibe bola halai duir tiha ba area kontrariu.
Jogador numeru 3 Fernando de Carvalho iha minutu 41 Klubu AD. SLB Fc nian tenke hetan kartaun kinur tamba sukit kona jogador estranjeiru Boateng Apiah nia oin laran.
Kontinuasaun jogu ba segundu parte ekipa AD. SLB hadau pozisaun domina kampu laran, hahu jogu kontra atake makas ba Karketu Dili Fc maske ne la fasil ba sira nia ekipa atu halakon Karketu Dili Fc.
Avansadu ho númeru kamizola 11 ne’e marka golu hafoin simu asistensia bola husi linha klaran no Portela sai husi presaun defensivu Karketu no sukit liu guarda rede Karketu nian.
Tama ba iha minutu 90+6 Karketu tenke lakon jogador Boateng Appiah, jogador nasionalidade Ganha ne’e hetan Kartaun mean wainhira komete erru hasoru Natalino da Costa.
La’ós de’it ba Boateng Appiah maibé mós ba sekretáriu jerál Karketu Dili Fc tanba halo protesta hasoru arbitu.
Entre ekipa rua ataka malu kontrativu liu tan iha kampu laran, ho estratejia, tatiku ne’ebé iha, konsege fo emosaun no presaun makas ba jogadores sira. To’o jogu ne’e remata skore mantein 1-1.
Ad.SLB Fc : Andrew Mensah, Nidio Alves, Kornelis Portela, Filipe Oliveira, Tonito Belo, Natalino da Costa, Jordao da Silva, Alexandro Ima Kefi, Fernando de Carvalho, Aldo Amaral, Jeremias Batista
Karketu Dili Fc : Frengky Cardoso, Norberto Goncalves, Antonio Provirio, Domingos Ramos, Angiso Barbosa, Nataniel Reis, Gelvanio Alberto, Jose Silva, Patrick da Silva, Mickael Eugene, Boateng Apiah
Rep: Putri
