Dili-27/11/2021, Tuir treinador Januario Almeida Klubu Maranatha Fc Hateten, haree ba Klubu Academica di’ak maibé sira nia preparasaun mak ladun di’ak tanba sira nia jogador barak mak eskola, husi ne’e ladún iha tempu atu halo preparasaun.
“Klubu Maranatha ohin hatudu joga di’ak, la’ós katak di’ak liu lae maibé treinador sempre hadia para hasoru Academica Fc”.
No husu ba joagdor sira husi Maranatha Fc tenke preparasaun ho di’ak no treinu ho kualidade ne’ebé di’ak dehan treinador.
Hatutan tan husi Jogador Brigida da Costa Klubu Maranatha Fc katak, ba dahuluk agradese tebes tanba jogu ohin bele menan. “Ohin menan ne’e hanesan motivasaun ida ba ami atu bele treinu di’ak liu tan iha jogu tuir mai“.
Iha fatin hanesan tuir jogador Leocadia R. Freitas husi Academica Fc Hateten, “lakon ka manan ba ami ne’e normál. Kestaun ba ami mak, ami ne’e hotu-hotu estudante no barak mak tun ba estagio tempu ba treino laiha. Ida ne’e mak sai failansu ba mai wainhira ami joga”.
“Tan ne husu ba kolega Jogador sira husi Klubu Academica karik free laiha aula bele mai treinu nafatin jogu atu bele hadia iha jogu tuir mai tenik” Leocadia iha Campo Demokrasia.
Rep: Lidia
