Dili-27/11/2021, Jogu Liga Timorense de Futebol Femenino Jornada 8, Maranatha Fc termina enkontru ho festa golu kontra Academica Fc.
Maranatha loke enkontru ho jogu agresivu hodi atake sigidus no periguzu ba adversariu nia area defeza. Nune’e, to de’it minutu 4 Maranatha Fc konsege Lidera uluk ho Score 0 – 1liu husi Jogador Agia Isabel númeru kamizola 27.
Maske Academica Fc esforsu an jogu ho di’ak hodi halo atake ba jogador husi Maranatha maibé faila kontrola bola ho ne’e fasil ba Klubu Maranatha fc atu domina bola hodi kaer inisiativa ba atake.
Tama ba Minutu 39, Agia Isabel aproveita oportunidade hodi aumenta golu ba rede Academica FC, score ba 0 – 2.
Iha Minutu 5 ikus, Academia tenta halo balansu ba jogu liuhosi reorganiza linha koordenasaun enter jogador. Tan ne’e, to Primeira parte termina la akontese tan golu ruma, score nafatin 0 – 2.
Iha Segundo parte, Maranatha fc kontinua mantein halo atake ba iha jogador Academica maibé Academica laiha mudansa ba tatika jogu ho ne’e iha minutu 49 jogador Ajia Isabel produz tan golu ida ba rede Academica ho Score 0 – 3.
Ho score ne’e hamate ona espiritu jogu Academica nia halo Maranatha fc domina bola, nune’e konsege sulan jogador Academia durante minutu naruk.
Aprofeita oportunidade iha 53 Minutu Jogador Ajia Isabel hetan bola iha rede Academica nia oin suta ba rede Academica Guarda rede la konsege salva tanba bola halai liu nia liman hasae score b 0 – 4.
Maske score 0 – 4 maibé nafatin laiha mudansa ba tatiku jogu husi Klubu Academica,la kontrola bola di’ak husi ne’e sira nunka fó amiasa ba iha rede Maranatha nia.
Husi failansu hirak ne’e Maranatha hetan oportunidade di’ak atu bele hasae score tama ba 65 minutu jogador Gracela Amaral númeru kamizola 8 hetan bola iha liña defeza nia lori halai ba rede Academica.
nia oin suta guarda rede kaer bola iha nia liman la metin bola halai sai monu ba rede laran muda score ba 0 – 5.
Husi ne’e Maranatha lansa beibeik amiasa ba iha rede Academica,Jogador husi Maranatha numero kamizola 27 pasa bola husi ain ba nia belun numero kamizola 27 atu produz golu maibé antisipa husi Jogador Academica numero kamizola 27.
Esforsu an nafatin husi Maranatha iha minutu 81 Jogador Ajia Isabel númeru kamizola 27 konsege muda tan score ba 0 – 6, wainhira hadau bola husi Jogador Academica nia ain iha rede Academica nia oin.
La husik oportunidade iha minutu ikus Maranatha fc Habot tan score 0 – 7 liu husi Jogador Brigda da Costa númeru kamizola 6 iha minutu 90. Klubu Academica Fc nunka remata ba rede Maranatha Fc to jogu termina Klubu Maranatha fc Lidera ho score 7-0.
Ho resultadu ida ne’e lori Maranatha Fc okupa pozisaun 3 ho pontu 8 husi jogu 7. Enkuantu Academia okupa pozisaun ikus liu ho pontu 0 husi jogu 6.
