Dili- Asistente DIT Fc loke lian ba preparasaun jogu Liga Futebol De Timor Leste kontra Assalam Fc, liu husi Konferensia Imprensa iha Xanana Sport Center, no jogu refere sei hala’o iha estadium Dili.
Dada lia husi Asistente Jacinto Belo, loron hirak ne’e ekipa husi DIT Fc komesa prepara ona sira nia teknikamente nebe falla husi jogadores sira no komesa hadia dadaun ona, ho fiar ann deklara katak ekipa DIT Fc sei manan iha jogu tuir mai nebe sei hala’o iha loron sesta 28/11.
“Ba jogador nain rua nebe husi estranjeiru sei tuir iha jogu segundu nian no la tama ba linna primeiru“.
Nune’e mos lia badak nebe hato’o husi Kapitaun DIT Fc Feliciano Pinheiro informa, “esforsu nebe nia sei halo ba nia ekipa maka tenke halo komunikasaun diak ba elementus sira liu husi motivasaun nune’e bele hamosu sira nia espiritu Fighting iha jogu tuir mai nebe kontra hasoru Assalam Fc”.
Ba kontinuasaun jogus nebe sei tuir mai, DIT Fc iha brani garantia tebes ba sira nia jogadores, katak sei manan no rekolla tres pontus hasoru Assalam Fc.
Iha fatin hanesan Treinador Assalam Fc deklara, ami nia klubu ho king preparadu masimu tebes tamba nee ba jogu hasoru DIT Fc nee, ekipa Assalam tenke hadau tres pontus husi ekipa DIT Fc.
Treinador Assalam Fc nafatin haforsa liu tan, “ba jogu hasoru DIT nee, Jogador ho numeru 15 sei tun iha primeira parte, nune’e moz ho jogadores estranjeiru nain lima (5) nebe mak ami prepara ona hasoru DIT Fc, no ha’u garantia 100% tenke rekolla tres pontus nunee ami bele sai husi zona degadasi”.
Mezmu iha passadu Assalam Fc lakon jogu ba dala rua maibe ida nee la sai frakeza no lataka dalan ba sira nia ekipa atu rekolla vitoria ba jogu tuir mai.
Rep.: Putri
