spot_imgspot_imgspot_imgspot_img
spot_imgspot_imgspot_imgspot_img
More

    Boa Sorte taka Pra Liga ho vitória

    Dili – Ekipa Boa Sorte susesu halakon nia ekipa adversariu Ramelau Fc hodi taka pra Liga Futsal Timor leste ho vitória score 2-1 ne’ebe hala’o iha kampu futsal fatuhada Dili sexta (26/11/2021)


    Iha inisiu jogu ekipa rua hotu hotu hatudu jogu ne’ebé furak iha kampu hodi atrai adeptus hadomi futsal sira maibé ekipa Boa Sorte ne’ebé hatudu jogu ho kalma konsege domina bola hodi lansa suta fila ba rede Ramelau Fc.


    To’o tama ba iha minutu 7 Boa Sorte susesu fura rede Ramelau Fc liu husi jogador Rafael Soares hodi muda score ba 1-0.


    Ekipa rua ne’e mantein halo kontra atake ba malu no tama ba iha minutu 17 Boa Sorte marka tan golu ida hodi muda score ba 2-0.


    Ekipa Ramelau Fc ne’ebé sofre ona golu rua esforsu makas hodi responde golu maibé esforsu ne’e rasik la fó rezultadu pozetivu to’o termina jogu parte dahuluk Boa Sorte lidera ho score 2-0.


    Kontinua ba jogu segunda parte jogu la’o ho manas liu tan tanba ekipa Ramelau Fc koko atu responde golu.


    No tama ba iha minutu 35 Ramelau Fc konsege responde golu ida hafoin jogador husi Boa Sorte komete erru no arbitu deside fo suta livre ba ekipa Ramelau Fc.


    No kapitaun da ekipa mak suta bola livre fo pasa ba Joe Fernandes ne’ebé hamrik livre ho nune’e Joe susesu fura rede Boa Sorte fc hodi hamihis score ba 2-1.


    Ekipa rua ne’e mantein halo kontra ataka ba malu maibé la iha golu ruma mak aumenta to’o termina jogu segunda parte vitória ba Boa Sorte.


    Ramelau Fc derota ne’e hanesan derota ba daruak nian iha kompetisaun Pra Liga Futsal Timor Leste 2020-2021.


    Rezultadu vitória ne’e lori Boa Sorte tuur iha Quartu klasifikasaun pra Liga Futsal Timor Leste 2020-2021 ho pontus 46.


    Enkuantu maske ekipa Ramelau Fc lakon iha jogu ikus ne’e maibé ekipa Ramelau Fc nafatin sai Kampeaun tanba ho pontus 61 liu pontus 6 ba ekipa Musilha Fc ne’ebé okupa iha sugundu klasifikasaun pra Liga Futsal Timor Leste.


    Rep: Charlly

    spot_imgspot_imgspot_imgspot_img
    JHD Admin
    JHD Adminhttps://jhdtimor.com/
    Juventude Hadomi Desportu
    spot_imgspot_imgspot_imgspot_img

    Latest articles

    spot_imgspot_imgspot_imgspot_img

    Related articles

    Leave a reply

    Please enter your comment!
    Please enter your name here

    spot_imgspot_imgspot_imgspot_img