Dili – Tempu besik Asosiasaun Futsal Timor Leste (AFTL) sei realiza kompetisaun futsal ba Juvenil ho idade 14 ba kraik.
Kestaun ne’e hato’o husi Presidente komisaun organizadora Fernando Batista Xavier liu husi nia diskursu iha jogu ikus pra Liga Futsal Timor-Leste iha salaun F-FDTL fatuhada Dili sexta (26/11/2021)
“Ita sei halo perpasaun ba kompetisaun Tinan oin ne’ebé tempu badak ita sei hahú tanba ne’e husu ba klubu sira hotu hodi bele prepara ekipa juvenil tinan 14 ba kraik atu bele hola parte iha kompetisaun ne’ebé ita sei realiza iha tempu badak” dehan Fernando.
Iha fatin hanesan Sekretáriu Estadu Joventude no Desportu (SEJD) Abrao Saldana hatete, kontente tanba futsal hahú kedas ho Juvenil.
“Hau kontente tanba futsal hahú kedas ho nia juvenil buat ida ne’ebé mak fraku tebes iha ita nia Desportu mak atensaun iha juvenil maibé futsal hahú ho pakote ida kedas ho kedas ho nia juvenil para nune’e jogador iha nafatin” tenik Abrao.
Ho ida ne’e hakarak kongratula no apresia ba inisiativa Assosiasaun Futsal Timor-Leste ho apoiu tomak husi FFTL hein katak Liga tinan oin bele sai di’ak liu tan no susesu liu tan.
Rep: Charlly
