Dili- sesta (26/11/2021) ohin Pra Liga Futsal Timor Leste termina ona no Ramelau Fc mak sai Kampeaun ba dahuluk iha Pra Liga Futsal ne’e ho pontus 61 husi joga dala 23 husi no klubu hamutuk 24.
Ramelau fc sai Kampeaun, liu pontus 6 ba ekipa Musilha Fc ne’ebé okupa iha sugundu klasifikasaun ho pontus hamutuk 58.
Ramelau Fc hahú husi jornada dahuluk ate jornada 23 ho manán dala 20, lakon dala 2 (Mushila Fc no Boa Sorte Fc) no empta dala 1 (Mauputar Fc).
Kompetisaun pra Liga Futsal Timor Leste ne’e inisia iha 21 de Novembru de 2020 kompostu husi klubu 24.
18 klubu mak husi kapitál Dili tolu husi Baucau, ida husi Manatutu, ida husi Bobonaro no ida Manufahi.
AFTL hetan apoiu masimu husi FFTL ho montante 80 mill dólar no hetan mós apoiu fundu material husi patrosinador sira hamutuk 87.350.00 dólar hetan mós apoiu husi SEJD ho lampu sorot.
Pra Liga futsal Timor-Leste ne’e Melhor markador monu ba Venceslau Guterres husi klubu Becusse United ho golu 51 no hetan osan montante 300.00 dólar Amerikanu.
No klubu ne’ebé maka husi kintu lugar ba kraik to 24 hotu-hotu hetan subsidiu dólares 400.00.
Enkuantu quarto lugar okupa husi klubu Boa Sorte Fc iha quarto lugar ne’e hetan osan montante dólar 1,000.000.
Terseru lugar okupa husi klubu Mauputar Fc no hetan osan montante dólar 2,000.00 no Segundu lugar okupa husi klubu Mushila Fc no hetan osan ho montante 2,500.00.
No Ramelau Fc hetan osan ho montante dólar 3,000.00.
Rep: Charlly
