Dili-26/11/2021,Tuir Presidente Klubu Lalenok United.Fc Pedro Belo hateten,jogu ohin loron di’ak no kapás maibé sorti mak laiha maske Lalenok United hetan oportunidade diak maibé bola mak lakoi tama rede.
“Iha parte seluk triste oituan tamba FFTL hasai Jogador nain lima kedas ba iha Selesaun Nasional, lolos jogu hanesan ne’e tenke kansela tanba hasai kedas Jogador nain liman prinsipál ne’ebé durante reforsa iha Klubu Lalenok United Fc ho ida ne’e hanesan obstakulu ba Klubu Lalenok United Fc.
Mais laiha buat ida agradese ba jogador sira tanba bele fo oportunidade ba sira seluk bele jogu iha campo ida ne’e,fiar katak partisipa nafatin iha liga tinan ida ne’e,importante mak Lalenok United labele tun fali ba segundu divisaun maibé Klubu nafatin hadia an no nafatin fo oportunidade ba jogador foun sira atu hatudu sira nia talento.
Alende ne’e hatutan tan husi treinador Klubu Lalenok United Fc Gaspar Amaral,Frakeza ba jogador sira husi Klubu Lalenok United Fc nia mak liña kordenasaun entre defeza ho klaran ne’e mak dok liu tan ne’e mak Klubu As ponta Leste aprofeita jogu iha golu primeiru,ne’e duni matéria Jogador mak la’o hanesan ne’e ona ne’ebé laos fo sala ba ha’u nia jogador sira.
Ohin iha jogu Segundo esforsu hodi mudansa halo kontra atake maibé sorti mak la monu ba ami dehan treinador iha stadium Munisipal Dili.
Iha fatin hanesan tuir treinador Klubu As Ponta Leste Fransisco de Araujo dehan,tenke halo servisu makas ba ha’u nia jogador iha minutu primeiru horseik ha’u ko’alia tatika ida maibé ohin ha’u uza tatika seluk.
“Antes ne’e ha’u estuda ona Lalenok United Fc nia jogu entaun iha jogu ohin imi haree Jogador balun ha’u rai la uza to hotu ida ne’e kestaun tatiku. Nune’e tatiku ida ohin ne’e prepara duni ba hasoru Lalenok United Fc karik hasoru Klubu tuir mai sei estuda antes atu prepara tatiku”
Ho ida ne’e mak ohin konsege ultrapasa tanba jogu ida ne’e la’ós jogu baibain maibé jogu ida ne’e ho intesidade ne’ebé as ou emosaun ne’ebé mak as.
Rep: Lidia & Putri
