Dili-As.Pontas Leste Fc primeira ekipa susesu save tres pontus liu husi jogador Ejivanio Da Costa halakon ekipa Adversariu Lalenok United Fc, (26/11).
Entre ekipa rua hahu jogu kontra ataka ba malu la iha ida atu liu malu, bola hahu nakdulas movimentu ba mai iha kampu laran halo klubu rua forsa liu atu halakon ida ho ida seluk.
Haree husi maneira jogu nian entre ekipa rua iha preparasaun fiziku nebe diak no nakonu ho estamina, la fasil ba sira atu marka golu. Husi nee seidauk iha sinal balun kona ba se loz maka hadau golu ba jogu primeira parte nee.
Iha minutu 22 bola ameasa bainhira bola falta nebe akontese husi jogador numeru 28 Italo Pementel husi Lalenok United Fc no lalais hetan salva husi ekipa As.Ponta Leste Fc numeru 17 ho maneira kabesa tuda sai bola ba liur.
Hafoin iha minutu 31 Jogador ho numeru kamizola 7 husi As. Ponta Leste Fc Ejivanio Da Costa susesu rekolla uluk golu husi ekipa adverzariu Lalenok United Fc. Iha minutu neba jogador lori bola livre avansa ba oin, tebe livre hodi rezulta golu 1-0.
Akontese tan ameasa husi jogador numeru 24 Francisco Savio ekipa lalenok United Fc nian tebe ba rede As. Ponta Leste maibe lakonssege marka golu tamba baliza responde ho lalais.
Ba segundu parte ekipa As. Ponta Leste komeas joga ameasa fiziku ataka makas ba ekipa adverzariu Lalenok United Fc, maibe ekipa Lalenok United Fc nafatin joga ho displina.
Ameasa akontese fila fila ba As.Ponta Leste nebe rezulta husi jogador numeru 28 Italo Pemental iha minutu 50 no jogador ho numeru 26 Danilson Araujo iha minutu 54. Seidauk iha oportunidade atu ekipa refere duni tuir numeru golu nian, sempre falla iha teknika Shoot no estrateja salva bola husi As.Ponta Leste Fc mak di’ak.
Teknikamente Lalenok Utd Fc falla iha bola klaran, la dun kontrola bola ho di’ak, bainhira bola lao too tiha linha 16 difisil tebes ba sira atu halo golu. Iha parte seluk Lalenok United Fc mos.
Iha minutu ikus klubu As. Ponta Leste mantein nafatin nia pozisaun to’o jogu ne remata ho score 1-0.
As. Ponta Leste: Francisco de Araujo; Francisco Gusmao, Candido de Oliveira, Jose de Oliveira, Joao Halle, Americo Martins, Ejivanio da Costa, Ogalar Xavier, Mumin Mohammed, Revelino Martins, Ricardo Bianco, Isaac dos Santos.
Lalenok United Fc: Gaspar Amaral; Fagio Pereira, Francisco da Costa, Hermenio de Sousa, Santiago da Costa, Zacarias Cabral, Daniel Adade, Italo Pementel, Osorio Gusmao, Abrao Mendonca, Danilson Araujo, Pedro Vicente.
Rep.: Putri & Lidia
