Dili – Karketu Dili Fc Optimista sei save pontus tolu kontra AD SLB Laulara iha jogu kontinuasaun primeira divizaun Liga Futebool Timorense jornada da toluk ne’ebé mak sei hala’o iha sabadu aban (27/11).
Lia hirak ne’e hato’o husi Assisten treinador tekniku Karketu Dili Fc, Elizeu izack ba jornalista sira liu husi konferensia imrensa iha Xanana Sport Center Dili sesta (26/11/2021).
“Karketu perparadu hasoru se de’it iha epoka 2021 ne’e i Karketu Optimista para save pontus tolu (3) aban para bele ko’alia Kampeaun” katak Elizeu.
Primeiru jogu ami perpasaun fulan ida ho balun de’it jogador lokal de’it ita hetan de’it gulu ida husi jogador lokal sira, depois iha segundu jogu jogador ne’ebé ami temi maka halo duni golu.
Espera durasaun tempu semana rua ona sira halo adapatasaun no sira mós iha kondisaun di’ak no hasoru SLB esperake sei iha golu barak liu ida tanba iha evoluasaun barak ida treinador sira no mós halo evoluasaun barak.
Nia dehan, Karketu iha kondisaun perparadu maibé nia mós rekoñese ekipa SLB ekipa ida ne’ebé mak boot no kada tinan SLB sempre hanesan rival eternu ho Karketu Dili.
Iha fatin hanesan treinador AD SLB Laulara Efren Jeronimo hatete, sira mós iha Optimista hakarak manán maibé 90 minutu mak sei determina tanba Karketu mós tim boot.
“Ami mós iha Optimista hakarak manán maibé 90 minutu mak sei determina tanba Karketu mós tim boot no agora Karketu manán ona dala rua no agora dadaun sira mós ekipa ne’ebé mak forte Maibé ami mós sei esforsu aan nafatin” dehan Efren.
Nia dehan, tanba SLB joga ne’ebé mak tutuir malu entaun jogador sira mós kole hela ne’ebé ami mós treinu ne’ebé mak normál de’it ami labele esforsu aan.
Nia hatutan, Maibé fiar katak SLB sei hatudu jogu ne’ebé masimu para kontra Karketu Dili.
Reportajen: CharllY
