Dili – Sekretáriu Estadu Joventude no Desportu (SEJD) Abrao Saldana hatete Festival Desportu Akademiku Timor Leste (FDA-TL) neneik maibé aumenta ona modalodade sira.
Lia hirak ne’e sekretáriu estadu juventude no Desportu SEJD Abrao Saldana hatete liu husi nia diskursu hodi ensera Festival Desportu Akademiku Timor Leste FESDATIL iha SEJD kuarta (25/11/2021).
“Orgulu tebes ha’u mai lori governu nia naran atu ensera Festival Desportu Akademiku ba tinan ida ne’e nian Ohin ita iha progresu ida iha Festival Desportu Akademiku mak ita neneik maibé aumenta ona modalodade sira” dehan Abrao Saldanha.
Abrao hatutan, Federsaun Festival Desportu Akademiku tinan ne’e rame tebes maibé nia rame ne’e la’ós sausukat ba prestasaun.
Iha fatin hanesan prezidente komisaun organizadora ba eventu Festival Desportu Akademiku Timor Leste (FESDATIL) Joviano Alves Reis hatete iha Federsaun Desportu oin lima mak apoia Desportu Akademiku hodi realiza eventu FESDATIL, mak Federsaun Voleibol, Federsaun Taikondow Timor Leste, Federsaun Atletismu Timor Leste, no mós modalodade Futebool, ikus liu Federsaun Sadres.
Federsaun sira ne’e mak konsege apoia Federsaun Akademiku hodi realiza eventu FESDATIL 2021.
Nia akresenta, FESDATIL ne’e nu’udar atividade fiksu kada tinan husi Federsaun Desportu Akademiku ninian desde tinan 2015.
“Tinan ne’e ita iha ona modalodade lima no modalodade lima ne’e ita iha ona atleta selesaun Sira ne’ebé selesionadu bele prepara di’ak liu tan tinan oin reprezenta Timor-Leste iha Tailand” tenik Joviano.
Nia afirma, Selesaun ida agora bele mós seidauk selesaun Final tanba iha posibilidade atleta ne’ebé selesionadu ona agora primeiru segundu no terseru lugar, hirak ne’e bele iha impedimentu ruma bele iha nesesidade seluk ruma iha tinan oin tanba ne’e hirak ne’e selesionadu nafatin treinu hamutuk hodi nune’e kada treinador, ba kada modalodade bele halo selesaun Final hodi bele reprezenta Timor-Leste, iha Asian University Games tinan oin iha Tailandia.
Enretantu atividade Desportu Akademiku Timor Leste FESDATIL ne’e hala’o durante semana ida no hetan partisipasaun masimu husi universitariu iha Timor Leste hamutuk 16.
Reportajen: CharllY
