Dili-2i/11/2021,Primeira divisaun liga Timorense Futebol Femenino Klubu AD. SLB Laulara kontra Klubu Buibere AD. SLB Laulara sofre golu ida liu husi bola falta.
Jogu hahu ho intensidade as. Klubu rua esforsu atu bele domina bola hodi hetan opurtunidade ba kria atake Iha Primeira parte. Nune’e, AD SLB konsege domina bola hodi lansa atake ba area defeza Buibere Fc.
Ho ida ne’e, lori Ad SLB ba hetan opurtunidade husi falta. jogador ho numeru kamizola 13 ne’ebe hetan fiar hodi suta, maibe jogador Buibere konsege kabesa sai.
Nafatin halo atake malu buibere komete tan erro tanba tesi Jogador AD. SLB Laulara nia ain, iha oportunidade ne’e fó tan ba jogador númeru kamizola 13 husi Klubu AD. SLB Laulara suta maibé nafatin salva ho di’ak husi Jogador númeru kamizola 27 Buibere nia la Resulta golu.
Nune’e halo intensidade jogu makas liu tan, kontra atake ho maneira oioin maibé laiha golu ida to Primeira jogu remata.
Tama ba segundu parte, klubu Buibere halo mudansa nia tatika jogu. Hodi konsege halo balansu ba jogu. Hodi halo Jogu husi ain – ain, tenta buka atu tama no fo ameasa ba guarda rede. Maibe, Ad SLB nia disiplinasaun iha linha kotuk konsege satan beibeik tentativa atake sira ne’e ho diak.
Ho atake ne’e halo Slb Laulara fasil atu halo sala, aprofeita sala ne’e Buibere fc domina campo hodi halo atake oin-oin ba iha Ad SLB Laulara. Nune’e, iha minutu 53 Buibere hetan bola falta iha linha 16 liur, mais ou menus metru 35 ne’ebe Lucelia Fernandes ho numeru kamizola 8 konsege komverte sai golu.
Golu refere, akontese tan guarda rede la konsege antisipa ho diak, score 0 – 1. Ho nune’e konsege anima tebes públiku tanba suta husi dok.
Husi ne’e, AD SLB tenta hodi halo balansu jogu, atu nune’e bele kaer inisiativa hodi lansa atake. Nune’e, konsege kria suta Red Buibere Fc, ne’ebe guarda rede antisipa ho diak.
Lalaok jogu kontinua lao ho Ad SLB nia dominasaun. Tan disiplinasaun jogador Buibere Fc nian maka Ad SLB susar atu kria ameasa periguju ruma. Nune’e to jogu termina Ad SLB la konsege kria golu ruma hodi empata. Score 0 – 1 augenta to jogu termina.
Ho Vitoria ida ne’e, lori Buibere Fc tur iha pozisaun primeiru ho pontu 14 husi jogu 7. Enkuantu Ad SLB tur iha pozisaun 4 ho pontu 7 husi jogu 6. Ho nune’e, Ad SLB labele iha ona opurtunidade hodi sai kampeaun iha Liga Timorense de Futebol Femenino epoka 2021.
Rep.: Lidia
