Dili-28/11/2021, Treinador Klubu AD.Slb Laulara Joao Manuel Da Silva hateten, “Jogu rua ohin ne’e balansu hela failansu mak husi ami nia baliza tanba ami nia baliza foun e nia experencia seidauk iha nune’e bola falta sira marka golu ne’e, tanba fraku iha experencia kaer bola”.
“Ha’u haree husi Buibere kaer bola di’ak. Komik oituan ha’u nia jogador sira mak hetan bola sira la suporta malu maibé sira lakon bola sira badinas atake hodi hadau bola ne’e mak ha’u la komprende sira. Justro ida ne’e mak akontese bola falta ne’e, sei ohin sira joga hatene la akontese bola falta no ema la hatama golu“.
Nune’e husu ba jogador sira hakas an treinu ho badinas depois tenke rona orientasaun husi treinador sira, kada vez jogador la komprende saida mak treinador sira nia hakarak iha campo tanba iha campo laos joga tuir imi nia hakarak maibé tuir treinador nia hakarak dehan, treinador Slb Laulara.
Iha fatin hanesan tuir treinador Klubu Buibere Fc Fernando da Costa haktuir katak, “Iha primeira parte jogu rua ne’e la’o ho di’ak depois tama ba segundu parte ami nia Jogador mos konsege halo balansu di’ak marka duni golu ba rede Adversáriu”.
Ho oportunidade ne’e ami motiva ami nia Jogador sira atu asegura nafatin pontu ne’e, ikus mai ami manan duni.
“Depois ami nia Klubu Buibere ne’e sei iha failansu barak tan ne’e husu ba jogador sira prepara an focus treinu atu nune’e jogu bele la’o kapás liu,iha tuir mai” tenik treinador iha campo Democrasia.
Rep.: Lidia
