Dili – Prezidente Komisaun Asembleia Jerál ba kongresu nasionál, Anisetu Berlelo hatete, kandidatura na’in 2 priense ona rekezitu hodi kompete sai Prezidente Konfederasaun Desportu Timor Leste (CDTL) periodu 2021 ate 2025.
“Opurtunidade ida ne’e ha’u lori asembleia jeral CDTL nian atu hato’o katak kandidatu ne’ebé mak pasa ba asembleia jeral CDTL tinan 2021 iha kandidatu na’in rua mak, señor Afraino Xavier Amaral no señor Macario F. Sanches.” dehan Prezidente asembleia jerál (CDTL) Anisetu Goveia Berlelo ba média nasionál sira iha edifisiu CDTL, segunda (29/11/2021).
Nia esplika, kandidatu ne’ebé mak pasa iha selesaun dokumentus husi komisaun verifikasaun. Kandidatu na’in rua ne’e priense kriteria ne’ebé mak komisaun fo sai ba kriteria eleitoral nian.
“Ami anunsiu kandidatu nain rua atu ba kompete iha strutura CDTL nian mak señor Afraino Xavier Amaral no señor Macario F. Sanches.” dehan Barlelo.
preparasaun husi komisaun asembleia Jeral CDTL nian atu realiza iha tempu besik mai. Iha prosesu ne’e tomak husi komisaun no asembleia husi prosesu no kandidatura ne’ebé mak iha Outubru to’o Novembru nia laran komisaun fo sai ba kandidatura sira ne’e, kandidatura tolu mak hatama maibé ida mak la konsege liu.
Kriteriu ne’ebé mak kandidatu Prezidenti CDTL period 2021-2025 Iha vizaun no misaun, Komitmentu servsiu, programa ba CDTL minimu tinan 4, Deklarasaun livre husi dupla funsaun topu iha organizasaun desportu, tenke hetan apoiantes minimu federasaun 10.
Ita agradese mós ba governu liliu ba Sekretariu Juventude no Desportu (SEJD) ne’ebé mak apoiu ona orsamentu atu realiza Asembleia Geral CDTL iha tinan ida ne’e. Orsamentu ne’ebé mak sekretariu estadu Juventude no Desportu aloka mai iha komisaun atu halo preparasaun ba Asembleia Geral CDTL nian iha rihun ida atus neen $1,600 dolar amerikanu ne’ebé husi SEJD ba komisaun organizadora.” dehan Barlelo.
“Ita hotu hatene inisiu ami komisaun organizadora no asembleia fo sai realizasaun Asembleia Geral CDTL nian iha loron 20 fulan Novembru mas tanba iha problema tekniku uitoan. Liliu ami asembleia no komisaun organizadora kestaun, tanba ami orsamentu seidauk to’o hodi nune’e ami kansela ka adia tiha asembleia ne’e atu realiza fila fali iha loron 11 fulan Dezembru tinan 2021”, Berlelo hatete.
Enkuantu totál Federasaun ne’ebé mak sei partisipa asembleia jeral CDTL nian hamutuk iha federasaun ruanulu resin ualu (28).
Rep.: CharllY
