spot_imgspot_imgspot_imgspot_img
spot_imgspot_imgspot_imgspot_img
More

    g7 + ho ASSA Sei Realiza Desportu Komunitariu hodi harii paz suku 3

    DILI- Sekretáriu jerál G7 plus (g7+) kolabora ho Fundasaun ASSA atu realiza desportu komunitariu hodi kria paz ba suku tolu mak hanesan suku Komoro, suku Madohi no mós suku Bebonuk.

    Ami kolabora ho Fundasaun ASSA atu promove Paz iha nivel komunitariu ho objetivu harii paz, atividade sei halo iha suku Komoro, Madohi no Bebonuk tanba suku tolu ne’e joven potensial barak tebes ho talentu  ne’ebe liu husi desportu joven sira harii paz”. Sekretariu jeral g7+ Helder da Costa ba jornalista sira iha sede suku komoro, Dili tersa (14/12).

    Sekretariu ne’e hatete, joven sira iha suku tolu ne’e potensial tebes no ne’e duni parseria ho fundasaun Assa halo desportu ba Paz para atu promove Paz iha nivel komunitariu, se joven sira la iha atividade la kreativu to’o ikus halo violensia.

    inisitiva halo sosialiazasaun iha suku komoro para depois tinan oin situsaun hakmatek sira bele halo lansamentu desportu ba Paz komesa husi suku Komoro, Madohi no Bebonuk iha tinan oin sei lansa programa ida ne’e” tenik nia.

    Nia hatutan, joven barak mak iha suku tolu ne’e potensial tanba ne’e sira iha inisiativa komplementa programa governu nian ho desportu komunitariu no modalidade desportu ne’e sei foku liu ba futebol, Voleibol no basketebol sei involve joven sira promove koezaun sosial iha nivel komunitariu hodi promove paz iha komunidade nia laran

    Nia akresenta, husi nivel aldeia, suku, postu administrativu, to munisipiu no nasional apoiu husi g7+ rasik hanesan instituisaun intergovernamental Ida ne’ebe hetan mós apoiu husi doador no orsamentu jeral estadu ne’ebe fo apoiu ba atividade desportu ba Paz iha nivel komunitariu.

    Nia dehan, “Ida ne’e pilar importante tebes ba dezenvolvimentu iha nivel komunitaria harii Paz hodi harii dezenvolvimentu liu husi desportu atu nune’e joven Sira hatudu talentu para ema bele haree fini diak sai amateur ka profesional depende sira nia prestasaun”.

    Sekretariu g7+ ne’e afirma, “desportu  ba Paz Ida ne’e g7+ iha prinsipiu garante paz iha komunidade nia le’et ho objetivu promove paz tanba liu husi desportu hametin unidade no Timor bele hatudu ba mundu katak liu husi atividade desportu bele garante Paz no partisipasaun iha atividade ne’e mak joven feto no mane tamba agora modernu igualdade jeneru ne’ebe sira sei servisu hamutuk ho Fundasaun ASSA no autoridade lokal, hein katak atividade sei lao ho diak”.

    Nia apela, ba joven sira tenke haree ba futuru kanaliza imi nia talentu liu husi atividade desportu eskolar, desportu komunitariu no estra kurikulum Liu husi ne’e promove Paz ona.

    Iha fatin hanesan, Diretor Ezekutivu Fundasaun ASSA, Bendito Soares informa, “fundasaun ASSA hakarak kolabora ho g7+ ba desportu ba paz tanba fundasaun iha misaun Ida mak desportu, tanba ne’e mak fundasaun kria kooperasaun ho entidade hotu tantu governu ho NGO internasional no empreza privadu  sira”.

    Diretor ne’e akresenta, valor desportu ne’e harii paz, atividade desportu la’ós manan no lakon de’it maibé husik hela valor paz ba joven sira no esperansa  katak komunidade iha suku sei partisipa ho masimu.

    Rep.: ADS

    spot_imgspot_imgspot_imgspot_img
    JHD Admin
    JHD Adminhttps://jhdtimor.com/
    Juventude Hadomi Desportu
    spot_imgspot_imgspot_imgspot_img

    Latest articles

    spot_imgspot_imgspot_imgspot_img

    Related articles

    Leave a reply

    Please enter your comment!
    Please enter your name here

    spot_imgspot_imgspot_imgspot_img