Dili – Liga Futsal Timor Leste ne’ebé mak organiza husi Asosiasaun Futsal Timor Leste (AFTL), ba Primeira Divizaun ne’ebé mak kompostu husi klubu 10 no Segundo Divizaun 14 klubu ne’e sei hahú iha fulan Abríl.
Asuntu ne’e hato’o husi Sekretáriu Jerál Asosiasaun Futsal Timor Leste (AFTL) Fernando Baptista Xavier ba Midia JHD iha edifisiu AFTL bairo gerilus Dili kuarta (15/12).
“Liga ba Primeira no Segundu Divizaun ne’ebé mak tuir ita nia planu ita sei kalendariza iha Abríl sei hahú ona“. dehan Fernando
“Orsida ita sei haree fasilidada liuliu kampu para hetan kampu rua ga tolu hanesan ne’e ita hahú Primeira Divizaun no segunda divizaun dala ida” Fernando haktuir.
Nia hatutan, “Konaba rezistrasaun mak mantein klubu 24 ne’e no sira sei mai hodi deit update sira nia jogador no AFTL sei loke janela transferensia para klubu sira bele halo ona negosiasaun atu reforsa sira nia klubu ho jogador foun, tuir sira nia preferensia”.
Kona ba kampu ne’e mak atu uza Fernando hatete, “kampu ba Primeira Divizaun mak nafatin kampu F-FDTL fatuhada, no mós karik SEJD disponivel AFTL sei uza kampu GMT”.
Tuir nia uza kampu GMT iha benefisiu di’ak ba klubu sira tanba bele faan bileti hodi iha netik in come ba klubu sira.
Rep.: CharllY
