Dili – klubu Primeira divizaun Liga Futsal Timor Leste Mauputar Fc seidauk hala’o perparasaun ho masimu tanba kalendariu jogu Liga Futsal ba tinan oin seidauk fiksu.
Lia hirak ne’e hato’o husi Assisten treinador, Mauputar Fc Remizo da Silva, ba Media JHD iha FFTL, Dili segunda (14/12/2021).
“Liga tinan oin ne’e ita seidauk hatene nia orariu, la hatene bainhira mak atu komesa tanba ne’e Mauputar Fc iha faze tranzisaun ne’ebé treinu sei hanesan baibain de’it tanba jadwal husi AFTL ho FFTL seidauk iha” tenik Remizo.
Nia dehan, hala’o treinu mós jogador sira la partisipa ho masimu tanba sei iha faze tranzisaun nia laran.
Enkuantu jogu Pra Liga Futsal Klubu Mauputar Fc termina iha Terseiru klasifikasaun ba Pra Liga Futsal Timor Leste 2020-2021.
Tanba ne’e assisten treinador ne’e mós hatete klubu Mauputar Fc mós presiza jogador foun para atu reforsa Mauputar iha epoka oin mai.
Rep.: CharllY
