Dili – Hafoin derota kontra Buibere Fc liu husi Drama Penalidade, ho score 5-3 iha jogu hadau Terceiru lugar Taca Rosa Muki Bonaparte, Treinador klubu Maranatha Fc, Januario de Almeida hatete, derota ne’e hanesan sausukat ida ba treinador para atu hadia nia jogador sira.
Rezultadu jogu mak hanesan ne’e treinador simu no fó nafatin motivasaun ba jogador sira para la bele hanoin barak
“Tanba jogu tinan oin sei iha ida ne’e hanesan sausukat ida ba treinador para atu hadia di’ak liu tan nia Jogador” dehan treinador Maranatha Fc Januario de Almeida ba jornalista sira iha Kampu Demokrasia Dili tersa (14/12).
Nia dehan, Maranatha Fc nia failansu mak iha sira sempre sofre iha linha kotuk liu liu ba bola falta no kantu.Tanba ne’e ba oin sei hadia di’ak liu tan.
Iha fatin hanesan treinador Buibere Fc, Fernando da Costa, orgulu ho vitória ne’ebé mak sira hetan maibé sira sei hadia di’ak liu tan iha futuru oin mai.
“Ha’u kontente ho rezultadu ne’ebé mak ami hetan maibé ami sei hadia di’ak liu tan failansu sira iha futuru oin mai ” tenik nia
Rep: CharllY
