Dili – Vise Prezidente klubu Futsal Becusse United Helder Jose Maria hatete, Juvenil Becusse United perparadu ona hodi kompete iha Liga Futsal Juvenil sub 14 ne’ebé mak tuir orariu sei hahú iha Fevereiru tinan 2022.
Futsal Timor – Leste hahu buras iha komunidade nia leet, kuaje kiik-oan sira too adultu, Feto no Mane. Ho kondisaun ida ne’e, nesesariu atu Timor – Leste iha Liga Juvenil ba Futsal hodi garante sustentabilidade jogador iha futuru.
Tanba ne’e, Becusse United la susar atu prepara aan hodi enfrenta Liga Juvenil ne’ebe tuir planu sei akontese iha fevereiru 2022.
“Ami nia Juvenil preparado no garantia maximu hodi bele kompete ona iha Liga Futsal Juvenil sub 14” dehan Vise Prezidente klubu Futsal Becusse United Helder Jose Maria ba midia JHD via whatsApp sabadu (18/12).
Iha Juvenil balun ne’ebe hahu treinu desde Fulan Maiu to agora, tanba pesoal balun ne’ebe iha fuan boot hodi prepara labarik sira.
Nia dehan, “tamba iha treinador voluntario mai fo treino ba labarik sira. Ida ne’e Diak tebes ba dezenvolvimentu labarik sira nian“.
Becusse United konsege akumula jogador Juvenil nain-54, ne’ebe klasifika ba kategoria sub 14 sub 12 no mós sub 10.
Enteretantu antes ne’e Sekretáriu Jerál Asosiasaun Futsal Timor Leste (AFTL), Fernando Batista Xavier hatete fulan Janeiru tinan oin Liga Futsal Juvenil sei hahú rezistu no sei hahú jogu iha Fevereiru tinan 2022.
Rep.: CharllY
