DILI – Treinador Assalam Fc Adu Marques Namiruru hatete sente kontente Tanba Assalam Fc la degrada ba segundu divizaun, maibé nia husu atu hadia arbitu iha epoka oin mai.
Tuir Treinador Assalam Fc Adu Marques Namiruru Jogu ohin furak ekipa rua ne’e jogu di’ak hotu maibé nia, ladún satisfaz ba iha desizaun arbitrjen tanba arbitu tauk atu foti desizaun.
“Klubu nia hakarak iha epoka oin mai ita hadia ita nia arbitrjen para tenke neutru” dehan Adu Marques ba jornalista sira iha Stadion Munisipal Dili kuarta (22/12).
“Ohin ha’u hakarak hetan pontus 3 maibé la sai realidade tanba ohin baliza kaer ona mak nia tebe maibé desizaun arbitu mak ne’e ona maibé ha’u la degrada ne’ebé ha’u kontente” tenik nia.
Tuir nia Liga tenke hadia tan arbitrjen atu bele neutru para jogu ne’e bele furak tanba wainhira arbitu mak sadere ona ba klubu ida jogu sei la furak.
“Ami sente Liga tenke hadia tan arbitrjen tanba tenke neutru para jogu ne’e bele furak tanba wainhira arbitu mak sadere ona ba klubu ida jogu sira sei la furak” Adu Marques haktuir
Rep.: CharllY
