DILI- komite eleitoral no judisiariu anunsiu Timoroan nain-3 Kandidatu ba Prezidente FTTL periodu 2022-2026 ne’ebe sei halo eleisaun iha loron 26 Fulan fevereiru 2022
To ona tempu ba FFTL hodi prepara kondisaun ba Kongresu ba dala-7 iha tinan oin, 2022. Ho nune’e, re-estrutusaun nu’udar parte importante husi atividade refere nomos publika kandidatura sira ba publiku.
“Iha Ema nain tolu Kandidatu ba kargu prezidente FFTL maka hanesan Fransisco Kalbuadi Lay (eks prezidente FFTL, Vise prezidente AFF no Prezidente Komite Kompetisaun AFF), Fransisco M. Da C. P Jeronimo (Atual prezidente FFTL no membru komite finansa AFF) no Nilton T. G. Dos Santos (atual prezidente LFTL) liu husi rezultadu verifikasaun dokumentu”, Porta Voz komite eleitoral no judisiariu Virna de Carvallho ba jornalista iha sala konferensia FFTL, Bairro Formosa, Dili kuarta (22/12)
Iha FFTL, Vise Presidente mos sei halao eleisaun ketak husi Presidente FFTL. Tanba ne’e, iha momentu hanesan komite eleitoral no judisiariu anunsiu tan Kandidatu nain-2 ba kargu vise prezidente FTTL.
“iha Kandidatu nain rua Mak hanesan Domingos Raul “ Falur Rate Laek” (Atual Vise prezidente FFTL) no Aleixo da S. Gama “cobra” (Atual vise prezidente FTTL)” nia hateten.
Enkuantu ba membru ezekutivu, eziste kandidatu nain-10, Feto nain-2 : Engrasia P. Fernandes ( sekretaria jeral Asosiasisaun Futebol Femenino) no Maria T. Viegas ( Atual memebru ezekutivu FFTL) no Mane nain-8 : Marito Belo (Atual prezidente Asosiasaun Baucau), Henrique da Costa ( Atual membru ezekutivu FFTL no Prezidente Asosiasaun Futsal) , Faustino G.G da Costa (Atual prezidente membru ezekutivu FFTL), Augusto Henrique ( Atual memebru ezekutivu FFTL no Prezidente Asosiasaun Futebol Covalima), Angelo Lopes (Atual membru ezekutivu FFTL no Prezidente Asosiasaun Futebol Lautem) Aniceto Goveia Berlelo (Prezidente Asosiasaun arbitrajen), Ipolito Soares (Prezidente Asosiasaun Dili oeste) no Ricardinho S. Dos Reis ( Atual membru ezekutivu FFTL no Prezidente Asosiasaun Futebol Aileu).
komite eleitoral no judisiariu anunsiu Kandidatu hirak ne’e bazeia ba estatu FFTL artigu 37 Kona kriteria kandidatu no kodigo eleitoral artigu 11 Liu husi rezultadu verifikasaun dokumentu.
Rep.: ADS
