DILI- Klubu DIT Fc tenke degrada ba segundu divizaun hafoin empata kontra Lalenok United ho score 1-1 iha jornada ikus Liga Futebool Timor-Leste LFTL Primeira Divizaun epoka 2021.
Liga Futebool Timor-Leste (LFTL) jornada da-neen entre Lalenok United Fc kontra DIT Fc ne’e hala’o iha Estadion Munisipal Dili kinta, (23/12).
Iha inisiu jogu Armada Ajuleiro ne’ebé mak iha ambisaun hodi rekolla vitória para mantein iha Primeira Divizaun ne’e konsege lansa kontrativu makas hasoru nia ekipa adversariu Lalenok United Fc.
Enkuantu lakon United mós esforsu makas hodi rekolla vitória iha sira nia jogu ikus ne’e hodi taka Liga Futebool Timor-Leste jornada ikus ho vitória ho nune’e holo jogu sai manas liu tan.
Lalenok United Fc foin mak lídera ho score 1-0 iha minutu 29 liu husi jogador Elias Mesquita. Ho score refere mantein to’o termina jogu primeira parte.
Kontinua ba jogu segunda parte DIT Fc ne’ebé mak tun ho ambisaun desde inisiu konsge halo klubu jigante Lalenok United Fc hakfodak liu husi sira nia golu sedu iha minutu 46 hodi halo balansu ba jogu ho score 1-1.
Score refere halo jogu sai manas liu tan ho liu husi kontra atake ba malu maibé ekipa rua la konsege produs aumenta tan golu to’o termina jogu segunda parte score mantein 1-1.
Husi rezultadu empata ne’e hatuur nafatin Lalenok United Fc iha segunda klasifikasaun ho pontus 11.
Enkuantu DIT Fc obrigadu tenke degrada ba segundu divizaun Liga Futebool Timor-Leste (LFTL) tanba rekolla de’it pontus 4.
Rep. CharllY
