Dili – Hafoin termina Liga Futebool Timor-Leste LFTL epoka 2021 no klubu Karketu Dili mak sai Kampeaun ba LFTL Primeira Divizaun, prezidente Nilton Gusmao hatete, la iha klubu ida mak dominante Futebool.
Hafoin tansforma Liga Futebool Amadora (LFA) ba Liga Futebool Timor-Leste (LFTL) iha 2020. Karketu Dili Fc mak sai Kampeaun dahuluk ba Liga Futebool Timorense primeiru divizaun iha epoka 2021.
Tuir prezidente Liga Futebool Timor-Leste (LFTL) Nilton Gusmao, karketu Dili ne’ebé sai hanesan Kampeaun ba dala rua ne’e hatudu Futebool tinan tinan kada epoka dominante husi klubu ida la iha.
“Aproveita ho okaziaun ida ne’e lori mós orgaun Liga nia naran hato’o ami nia parábens ba diresaun Futebool klubu Karketu Dili ne’ebé sai hanesan Kampeau ba dala rua ida ne’e hatudu ita nia Futebool tinan tinan kada epoka dominante husi klubu ida la iha mezmu ke ita foun maibé ita hatundu ona kamina ne’ebé di’ak” dehan LFTL prezidente Nilton Gusmao ba jornalista sira iha Stadion Munisípal Dili kuarta (23/12).
Nilton explika, “LFTL tinan ne’e halo jogu badak maibé la halakon espiritu no paizaun ema hotu ne’ebé involve iha orgaun Liga klubu nomós adeptus sira hotu antusiaismu mai partisipa no apoiu sira-nia klubu no ohin rezultadu jogu termina ona Kampeaun iha loron rua ba kotuk, mak Karketu”.
“Ha’u espera ba oin epoka sira tuir mai sei di’ak liu tan epoka sira ne’ebé ita halo liu ona” tenik Nilton.
Entretantu, ho kampeaun iha epoka ida ne’e lori Karketu Dili Fc sai kampeaun ba da-ruak, primeiru iha 2017 no epoka Ida ne’e
Rep.: CharllY
