Dili – Atual prezidente Liga Futebool Timor-Leste (LFTL) Nilton T. Gusmao kandidata aan ba Prezidente Federsaun Futebool Timor-Leste (FFTL) ba períodu 2022 – 2026, tanba hakarak atu lori Futebol ba Futuru ne’ebe diak liu.
Iha loron (22/12/2021) liu ba Komité eleitorál hamutuk ho Komité Judisiáriu FFTL hala’o anunsiu ba kandidatura Komité Ezekutivu ba períudu 2022–2026, tuir estatutu FFTL artigu 37 kona-bá kritériu kandidatura no kódigu eleitorál Artigu 11, ne’ebé tuir planu sei hála’o kongressu eletivu iha loron 26 Fevereiru 2022. No kandidatu hamutuk nain tolu ne’ebe sei kompete ba kargu Prezidente FFTL. mak Francisco Kalbuadi Lay, Francisco Martins da C. P. Jerónimo no Nilton Telmo Gusmão dos Santos.
Ho naran hirak ne’e, uniku Nilton Gusmao de’it mak oin foun iha konkista ida ne’e, iha kompetisaun ba Presidente FFTL.
“ha’u hakarak agradese no apresia ba Presidente atuál Sr. Francisco Jerónimo ho kompetensia tomak hodi halo mudanca tuir statuto FFTL hodi fo opurtunidade ba Timoroan hotu ne’ebé involve futebol durante tinan 4 nia laran atu bele compete iha kongresu 2022”, Nilton hateten.
Hanesan kompetisaun hotu-hotu, kandidatura sira nomos publiku hein kompetisaun ida saudavél ne’ebé bele resulta pessoa ne’ebé bele lori Futebol Timor-Leste ba dalan ida diak liu.
“espera katak iha kandidatura ida ne’e ita bele halo kompetisaun ida saudavel tuir duni asosiasaun sira-nia hakarak para atu bele lori Federasaun Futebool ba dalan ida ne’ebé di’ak liu tan” dehan Nilton Gusmao ba jornalista sira iha Estadion Munisipal Dili kinta (23/12).
Iha sorin seluk, nu’udár kandidatu ba Presidente FFTL ida, kada kandidatu iha dever moral atu kontinua halo atividade ne’ebé diak ona husi lideransa anterior, hadiak liu tan programa balun ne’ebé seidauk lori satisfasaun ba Sosiedade Futebol sira nomos sei aumenta tan atividade balun ne’ebé nesesariu iha Federasaun.
“Kontinua fo apoio ba obra ka servico diak iha FFTL, no persija halo mudanca ba buat balun nebe’e ladiak hodi prejudika desemvolvemento Futebol iha ita nia rain” Nilton hateten.
FFTL ikus-ikus ne’e sempre sofre atake husi Sosiedade futebol, liu-liu kona-bá prestasaun selesaun nasional iha internasional. Ida ne’e maka servisu uma laran ida entre sira seluk ne’ebé presija hadia iha future. Kestaun ne’e bele akontese tan kompetisaun ladun barak nomos atividade futebol ladun to’o iha kualker kantu territotiu nasional, nune’e ladun kadi jogador sira-nia mentalidade no esperiente.
“ha’u mós iha hanoin balu hanoin oinsá mak bele tau hamutuk ho sira seluk nia hanoin para atu bele lori buat foun ba Federsaun Futebool Timor-Leste liuliu konstrui infraestrutura sufisiente atu atividade hotu bele to ba munisipiu. nune’e bele loke liras hodi buka mellor talenta husi munisipiu hotu“ tenik Nilton.
Ohin loron, FFTL akumula ona Asosiasaun Futebol husi Munisipiu hamutuk 14 ne’ebé mak sei iha direitu ba vota hodi eleje Presidente FFTL foun iha 2022. Kada Kandidatura sei propoen husi Asosiasaun hirak ne’e, nune’e kada Kandidatura tenki matenek atu manan Asosiasaun sira-nia fiar, liuhosi programa no politika ne’ebé iha.
“ita iha Asosiaun barak, Presidente Asoiasaun sira labele sombolika de’it, tan ne’e ha’u sei lori atividade hirak ne’e ba Munisipiu. Ho nune’e, sira hotu bele involve ativa hodi dezenvolve Futebol Timor – Leste ba dalan diak-liu. tau konsiderasaun hodi fo importançia maximu ba Membro (Asosiasaun) FFTL hodi bele formula hamutuk planu desemvolvemnto futebol tamba Membro (Asosiasaun) mak autor prinsipal ba Desemvolve Futebol iha ita nia rai” Nilton Subliña.
Iha sorin seluk, Timor Leste mos presija garante sustentabilidade jogadór ba future. Prepara kedan jogador sira husi sentru juvenil iha kada munisipiu, hodi forma kultura jogu ida ne’ebé identiku.
“Ita hakarak desemvolve Futebol diak liu iha futuru entao Persija tau importansia ba Centro Juvenil sira hodi fo prioridade atu hari centro iha municipiu hotu iha teretorio Timor” hateten Nilton.
To ohin loron mundu Futebol Timor Leste mos iha jogadór senior barak. Barak mak entuziasmu tebes atu kontribui dezenvolvimentu Futebol Timor-Leste. Tan ne’e, sosiedade Futebol hein atu FFTL bele nakloke an hodi rona no envolve pratikante futebol sira.
“ita iha jogador senior no sosiedade futebol ida ne’ebé iha hanoin no politika diak mak atu hato’o ba Federasaun, tanbá ne’e, fo oportunidade ba entidades hotu atu bele asesu ba progreso desemveolvemento Futebol”. Nilton esplika.
Enkuantu, kongresu FFTL ba dala-7 ne’e sei partisipa husi Asosiasaun Futebol husi Munisipiu hamutuk 14, Asosiasaun Arbitrajen, Asosiasaun Futebol Femenino, Asosiasaun Treinadór, Asosiaun Sentru Juveníl, Asosiasaun Futsal, Kampeaun segundu divizaun (Emanuel Fc) ho Kampeaun primeira Divizaun (Karketu Díli Fc) epoka 2021. Parte hirak ne’e maki ha direitu hodi vota ba Presidente FFTL foun ba periodu 2022 – 2026.
