DILI- Federasaun Muathay/MMA Timor-Leste sei halo eventu nasional hodi komemora loron nasional, tanba hakarak kanaliza no motiva atleta sira treinu ho diak hodi bele partisipa eventu internasional.
Tanba hakarak atleta sira partisipa iha eventu internasional federasaun halo eventu nasional hodi nune’e enkoraja atleta sira treinu nafatin.
“ami nia planu iha 2022 hakarak kanaliza no motiva atleta sira treinu ho diak hodi nune’e bele halo eventu nasional para komemora loron nasional iha ita nian rain no ita mos buka nafatin atletu talenta sira husi federasaun bele partisipa eventu internasional”, Vise prezidente FMMTL Jose Maria da Silva ba jornalista JHD iha Sport Dili Benfica, Colmera, Dili segunda (17/01).
Enkuantu, hanesan Federasaun sempre hein apoiu husi Governu nomós emprezariu sira atu bele realiza eventu ruma, hanesan eventu nasionál.
Vise prezidente hatutan, “Federasaun prontu atu halo eventu iha 2022 hodi komemora loron nasional hanesan 20 maiu, 30 agostu no 28 novembru maibe depende ba ajuda orsamentu husi SEJD no husi doador sira hanesan emprezariu sira hakarak suporta hodi halo kompetisaun ba Mutahay no MMA iha 2022 hanesan eventu nasional”
Federsaun ne’e moris iha 2018 ne’ebé halo ona atividade hanesan eventu nasional mezmu hanesan internasional tanba konvida ema estranjeiru sira iha Suai iha 2019, eventu nasional iha GMT Dili no halo ona eventu nasional komera loron proklamasaun 28 Novembru iha Baucaun iha 2021 ne’ebe hetan suporta husi governu liu husi SEJD.
Rep.: ADS
