DILI – Federasaun Atletismu realiza kampeonatu Nasionál hodi buka Fini atu partisipa iha Sea Games Vietnam ne’ebé mak sei hala’o iha fulan Maiu tinan 2022.
Kampeonatu Nasionál ne’e abertura iha loron kinta 20 no tuir orariu sei ensera iha loron 22 fulan Janeiru, kampeonatu ne’ebé mak tuir orariu atu hala’o durante loron tolu ne’e ho objetivu atu buka Fini hodi partisipa iha Sea Games Vietnam ne’ebé mak sei hahú iha loron 12 to’o 23 2022.
Ba jornalista sira Prezidente Federasaun Atletismu Afranio Xavier, informa eventu ne’e importante tebes ida mak renking ba federasaun rasik nune’e bele halo relatoriu ba Federsaun internasionál nune’e mós meus atu selesiona atleta sira ne’ebé mak aproveita ba partisipa iha Sea Games.
“Mezmu ke ita iha kondisaun ho situasaun ladún di’ak maibé ne’e tenke realiza eventu ne’e importante ba ita atu Buka fini ida hodi ba partisipa iha Sea Games, Asean Games no mós eventu sira seluk” tenik nia
“Mellor rekor labele puas tanba buat ne’ebé ita mehi ita seidauk atinji to’o iha ne’ebá tanba ne’e Federsaun Atletismu sei esforsu ho Treinador sira, no mós Asosiasaun sira i parte CDTL, no parte governu komité olimpiku hodi servisu pakote ida, nune’e promove no dezenvolve ita nia atleta sira ne’ebé mak tama ona iha klasifikasaun atleta nasionál. Nune’e sira bele prepara ho kondisaun di’ak pois atleta sira ba kompete ho dignu” dehan Afranio
Afranio hatete, Atletismu iha kultura ida la promete maibé sira tenke perpara atleta ho di’ak para atleta sira komponente mós ho perparasaun di’ak nune’e atleta sira tenke esforsu ho masimu iha eventu internasional sira.
Iha fatin hanesan reprezentante Sekretáriu Estadu Juventude no Desportu (SEJD) ne’ebé reprezenta husi Diretora Alta Kompetisaun, Maria Luiza Monteiro, informa, Observasaun geral ne’e sai hanesan sausukat ida tanba iha tinan ne’e Timor Leste sei partisipa iha eventu lubuk ida, kampeonatu nasionál ne’e hanesan rekezitus ida ba Federsaun hotu inklui Federsaun Atletismu rasik.
“Espera katak kampeonatu ida ne’e bele sai rekor ida para tempu ne’ebé ita hare katak limitadu ba Sea Games iha fulan Maiu no Asean Games iha fulan Setembru, maibé espera katak ho tempu ne’ebé mak sira treinu, tempu badak, maibé sira nia preparasaun ne’ebé mak antes ne’e la’ós dehan iha kampeonatu de’it mak sira pprepara” tenik nia
Nune’e mós Prezidente CDTL Macario Sanches hatete “Ita tenke fó parabens ba Federsaun Atletismu tanba bele realiza ona kampeonatu Nasionál ba tinan ida ne’e“.
Macario afirma, kampeonatu nasionál Ne’e hanesan meius ida para atu halo selesaun ida ke rigirozu oituan atu bele hili fini ida atu partisipa iha Sea Games iha Vietnam tinan ne’e.
“Atletismu ita fiar katak sira bele halo mudansa ba sira nia rekor, Konfederasaun la ezizi sira atu bele lori medalla mai Timor Leste maibé hadia lai sira nia rekor atu nune’e fila mai, sira bele orgulu atu bele hadia di’ak liu tan iha eventu internasional tuir mai” tenik nia.
Kampeonatu Nasionál Federsaun Atletismu ne’e hetan partisipasaun masimu husi atleta sira iha Asosiasaun sira iha Munisípiu 12 inklui Oe-cuse
CharllY Junior
