DILI- Confederacao Desporto Timor-Leste (CDTL) kria enkontru ho federasaun Sira ne’ebe sei partisipa Sea Games iha Vietnam Hodi halo diskusaun ba Sira Nia preparasaun antes atleta Sira desloka ba Eventu ne’e.
husi enkontru ne’e CDTL atu halo diskusaun ho federasaun Sira Kona ba lansamentu ofisial atleta Sira no preparasaun no husu ba federasaun Sira aprezenta orariu no programa treinamentu no Fatin konsentrasaun ba atleta Sira antes desloka ba Sea Games iha Vietnam.
“ohin enkontru Ami ho federasaun Sira ne’ebe sei partisipa jogu iha Sea Games iha Vietnam atu halo diskusaun Kona ba halo lansamentu ba ofisial ba atleta nasional Sira, husu Federasaun Sira aprezenta orariu no programa treinu nian no diskute Fatin konsentrasaun ba atleta Sira antes desloka ba Vietnam iha Fulan maiu iha tinan ne’e”, prezidente CDTL Macario F. Sanches ba jornalista Sira iha Fatin enkontru, Colmera, Dili segunda (24/01).
Prezidente hatutan, Sira mos diskute Kona ba antes Fulan Ida atleta Sira tenki konsentra iha Fatin Ida ona para bele kontrola Sira no eduka Sira hamosu Sira Nia nasionalismu sai ekipa nasional Ida deit mesmu Sira Mai husi modalidade ketak-ketak, oinsa halo advokasia ba Sira katak reprezenta Hela RDTL no orienta prezidente Federasaun Sira aprezenta kalendariu treinamentu atu nune’e ekipa CDTL halo akompanamentu ba Sira Nia progresu husi inisiu to’o final antes antes Sira desloka ba Sea Games.
“Alende Ida ne’e MOS Sira diskute Oinsa federasaun Sira prepara menu ba atleta Sira tanba Sira Nia menu la hanesan para to’o tenderizasaun ba bahan para hetan hahan kualidade hodi fo enerjia ba atleta Sira bele kompete Diak iha Sea Games no Fatin konsentrasaun ba atleta Sira sei diskute fali ho CDTL no SEJD para bele hetan Fatin seguru para atleta Sira partisipa Sea Games“. Nia hateten
Iha Fatin hanesan Prezidente Federasaun Natasaun Timor-Leste (FNTL) Laurentino de Jesus hatete, uluk nanain hakarak hato’o Agradese ba CDTL tanba halibur Federasaun sira para bele tuur hamutuk hodi ko’alia kona-ba perparasaun sea Games nian no preapasaun federasaun sira dehan katak kuaze atleta sira perpara ona ho teknikamente, oinsá mak CDTL bele asegura Federsaun sira nia perparasaun.
“Ami agradese ba CDTL tanba halibur federasaun Sira bele tuur hamutuk hodi koalia kona ba preparasaun federasaun sira nian no enkontru Ami dehan katak kuaze atleta Sira prepara ona ho teknikamente, oinsa Mak CDTL bele asegura Federasaun Sira Nia preparasaun” Tenik Nia
Partisipa iha enkontru Mak federasaun Atletizmu, Natasaun , Karate-DO, boxing, Taekwondo no Halterofilizmu no la partsipa Mak federasaun Voleibol no Futebol ne’ebe Federasaun ualu mak sei partisipa iha Sea Games Iha Vietnam iha Fulan maiu 2022 no lansamentu ofisial ba atleta nasional Sira sei halo iha loron 4 fevereiru 2022.
Orsamentu ba Preparasaun ba federasaun Sira, SEJD aloka ona orsamentu ho montante 81,000 USD (Dolllar Amerikanu Rihun ualunulu-resin-ida).
ADS
