DILI- Confederacao Desporto Timor-Leste (CDTL) no Federasaun Atletizmu Timor-Leste kongratula Asosiasaun Atletizmu Munisipiu Ermera, Lautem no Liquica tanba Sira Nia atleta sai manan nain barak Liu no hetan medalla barak Liu iha kampionatu nasional Atletizmu epoka 2022 entre 11 Munisipiu no RAEOA ne’ebe kompete iha eventu ne’e.
Kampeonatu Nasionál ne’ebé FATL organiza konsege lori Asosiaun Munisipiu tolu ; Ermera, Lauten no liquiça mak hetan medulla barak liu entre asosiaun munisipio sira seluk. Tanbá ne’e, CDTL no FATL kongratula atleta asosiaun hirak ne’e liuhosi prestasaun atleta ida-idak nian.
“Hau kongratula ba Asosiasaun Munisipiu Ermera mellor ba kampionatu Ida ne’e no ba munisipiu Lautem no Liquica, tanba sira hetan medalla barak liu iha kampionatu nasional ne’e no partisipasaun husi Asosiasaun Munisipiu sira iha mudansa tanba Sira balun partisipa hadia Sira prestasaun iha tinan uluk nian”, Prezidente CDTL Macario F. Sanches ba jornalista sira iha eks sional, Lecidere, Dili sabadu (22/01).
Maske nune’e, resultadu ne’ebé iha sei dook husi espetasaun ba nivel preparasaun hodi ba partisipa iha eventu internasionál. Ho nune’e, CDTL rekomenda atu asosiasaun sira atu bele hakbesik an ba autoridade local sira, nune’e bele kria eventu no preparasaun ida diak liu iha munisipiu.
“rekomenda ona ba Asosiasaun sira tenki hakbesik ba autoridade munisipal sira, para governu lokal apoiu sira, no tenki halo atividade inovativu tinan-tinan iha nivel Munisipal, halo kompetisaun Atletizmu para bele ajuda federasaun hetan atleta kualidade no bele dezenvolve desportu liuliu Atletizmu husi baze”, katak Nia.
Iha Fatin hanesan Prezidente Federasaun Atletizmu Timor-Leste Afranio Amaral fo Parabens ba Asosiasaun Atletizmu munispiu Ermera, Lautem no Liquica ne’ebe hetan medalla barak iha kampionatu ne’e no mos partisipasaun husi Asosiasaun Sira seluk husi munispiu Mai partisipa ho Diak tebes.
“Hau fo Parabens ba Asosiasaun Atletizmu munispiu Ermera, Lautem no Liquica nebe hetan medalla barak iha kampionatu ne’e no mos partisipasaun husi Asosiasaun sira seluk husi munispiu Mai partisipa ho Diak tebes”. Tenik nia
Asosiasaun ne’ebe partispa iha kampionatu nasional, hamutuk 11 no Oe- Cusse Mak hanesan Asosiasaun Atletizmu Munisipiu Lautem, Baucau, Viqueque, Manatutu, Dili, Ainaro, Manufahi, Covalima, Liquica, Bobonaro no Oe- Cusse. iha ne’ebe kada Asosiasaun lori atleta nain Hitu ba halai 400 m, 800m, 1000m, 1500m no 5000 ba feto Mane, lansamentu dardu no pezu ikus Liu Mak estafeta. Uniku, Asosiasaun Munisipiu Aileu mak la partisipa.
Enkuantu, Mellor vencedór monu ba Asosiasaun Atletizmu munispiu Ermera ho medalla 18 ( gold 9, silver 6 no broze 3), tuir Lautem ho medalla 13 ( gold 2, silver 4 no broze 7) no tuir Liquica ho medalla 2 (gold 2).
ADS
