DILI- Kampeonatu Nasionál ne’ebé organiza husi Federasaun Atletismu Timor – Leste ne’ebé durante loron tolu … iha estádio municipal Díli, konsege selesiona atleta na’in 6 ; kompostu husi mane nain 3 no feto na’in 3, hodi partisipa iha Sea Games Vietnam iha fulan Maiu tinan ne’e.
Ba jornalista sira Iha enseramentu Kampeonatu nasionál Federsaun Atletismu ne’ebé mak hala’o iha SEJD Dili sabadu (22/01), Prezidente Komfederasaun Desportu Timor Leste, Macario Sanches husu atu atelta sira kontinua hadia sira-nia record.
Kampeonatu Nasional ne’e halao ho objetivu atu bele fo espasu ba atleta sira pratika saida mak durante ne’e sira treinu no mós hanesan meius atu halo selesaun ba ekipa nasionál. Ida ne’e, hanesan faze preparasaun atu bele partisipa iha eventu ne’ebé sira sei ba partisipa.
“Tanba ne’e mak ha’u hatete ba sira ,hahu husi semana oin ita tama ona ba preparasaun ba Sea Games, ekipa tenke ba hare tuir sira-nia kualidade ho nia record sira ne’e para bele hadia diak liu tan”Tenik Prezidente CDTL, Macario Sanches
Iha fatin hanesan Prezidente Federasaun Atletismu Timor Leste, Afraino Xavier Amaral hatete,liu husi kampionatu nasional bele ona partisipasaun mai husi asosiasaun sira I prepara mos atleta sira ne’ebé atu hola parte iha Sea Games 2022 iha fulan maiu.
“Tanba rezultadu horseik, numeiru ne’ebé mak horseik ita projeta ba Sea Games mesmu sira hatudu sira-nia preformes la dun sufsiente tanba durante nee preparasaun la dun masimu liu liu ba area nutrisaun kontrola saude”Tenik Nia.
Ikus liu Afranio husu husu Prezidente CONTL atu bolu urjentemente ba federasaun sira ne’ebé mak partisipa Sea Games Vietnam, atu reuniaun urjente nune’e bele aloka orsamentu urjente ba federasaun sira hodi implementa ba nutrisaun saúde atu nune’e atleta sira treinu bele hasae volume” Katak Afraino.
Nune’e mós Atleta selesaun Nasional Federsaun Atletismu, Felisberto de Deus nu’udár manan nain dahuluk iha distansia 10.000 metru, hato’o agradesimentu ba nia treinador ne’ebé mak akompnha durante treinu to’o sai vensedor iha kampionatu nasional no selesioandu hodi partisipa iha Sea Game Vietnam tinan ne’e,
“Hau orgullu tebes reprezenta hau nia munisipiu sai kampiaun iha eventu kampionatu nasional ida nee,I relasiona ho kampionatu nasional ida ne’e ha’u mos selesionadu hodi tuir eventu internasional iha Sea Games Vietnam tinan nee” dehan nia
Enkuantu, atleta na’in 6 kompostu husi feto 3 no mane 3 ne’ebé sei akompanha ho ofisiál na’in 2 ba partisipa iha Sea Games Vietnam. Eventu internasional Sea Games ne’ebe realiza kada tinan rau dala ida ne’e realiza ba dala 31 nian no sei hahú loron 12 to’o 23 fulan Maiu iha tinan ne’e.
ADS/CharllY
